Áróður

Það er ekki gott þegar áróður slæðist inn í fréttir, eins og til dæmis hér: „Þar efndu stuðningsmenn Rússa til mótmæla og í framhaldi af því sendu Rússar hermenn til Krím til að tryggja öryggi rússneskra íbúa skagans." Þetta með að „tryggja öryggi rússneskra íbúa skagans" er pravdíska.

Rússland fór með her inn í sjálfstætt ríki og réttlætti það með því að halda fram að verið væri að „tryggja öryggi rússneskra íbúa". Í frétt af þessu tagi er lágmark að bæta við „að eigin sögn" eða álíka orðalagi.

Ég stenst ekki mátið að láta hér mynd fylgja með af Pútin að kissa Kim Jong-Il. 

 

Joe Biden til Úkraínu

ABBA

Í greininni stendur: „Hljómsveitin átti sitt gullaldartímabil á áttunda áratugnum, á hippatímabilinu þegar eiturlyf voru stór hluti af tónlistarsenunni.”

Blómaskeið ABBA var 1974-82. Þegar gullöld ABBA hófst var blómasskeiði hippanna lokið.

Það er fullt af sorg í ABBA-lögunum, sérstaklega eftir að hjónaböndin fóru í vaskinn. Hér er eitt klassískt lag, „The Winner Takes It All.” Það er allt í lagi að skæla yfir þessu. Þetta er svo fallegt, sorglegt og satt. 

 

 

Kemur ABBA saman á ný?

Megas & Spilverk þjóðanna, "Við sem heima sitjum"

Kominn á ról

„Nú er ég klæddur og kominn á ról,

Kristur Jesús veri mitt skjól"

Þessi orð Hallgríms Péturssonar lærði ég hjá ömmu minni. Þegar ég var hjá henni, eins og gerðist stundum, byrjaði hver dagur á því að við fórum út og fórum með þessa morgunbæn. Svo singdum við okkur.

Þegar ég fór í barnaskóla, Gamla Stýrimannaskólann, byrjaði hver dagur á því að við krakkarnir sungum „Ó, Jésú bróðir besti". Þetta er sennilega fallegasta lagið sem ég þekki.

Í dag er ég trúlaus maður, að miklu leyti vegna þess að kristindómurinn kenndi mér að maður ætti að lifa í ljósi sannleikans.

En mér þykir alltaf jafn vænt um orðin og tónlistina sem ég lærði þegar ég var lítill strákur.

„Nú er ég klæddur og kominn á ról,

Kristur Jesús veri mitt skjól . . .”

 

Megas söng Passíusálmana

Jæja

Þetta er titillinn á viðtalinu: ICELAND AND RUSSIA: 'PEACE AND HARMONY' 

Jæja.

Í greininni í St. Petersburg Times er vitnað í fyrrverandi sendiherra Rússa á Íslandi, Andrei Tsyganov. Samkvæmt honum eru samskipti Rússlands og Íslands að þróast í rétta átt þegar kemur að fiskveiðum. Hann segir:

Ég get ekki sagt að samskiptin séu til fyrirmyndar, því við erum ósammála um sumt. En ég er ánægður með að það er ákveðin tilhneiging ráðandi í samskiptum okkar--að komast að niðurstöðu með samningum en ekki vopnavaldi.

Þetta er nú ekki beinlínis traustvekjandi. En kannski mega Íslendingar bara vera þakklátir á meðan þessi "tilhneiging er ráðandi" í samskiptum okkar við Rússa. 

Pútín vildi ekki ræða við Ólaf

Að blöffa eða ekki blöffa

Samkvæmt Guardian er ólíklegt að Pútin sé alvara. Rússland er háð þeim tekjum sem landið fær fyrir gasið. 

Europe accounts for around a third of Gazprom's total gas sales, and around half of Russia's total budget revenue comes from oil and gas. Moscow needs that source of revenue, and whatever Vladimir Putin's geo-political ambitions, most energy analysts seem to agree he will think twice about jeopardising it. Short of an actual war, the consensus appears to be, Europe's gas supplies are unlikely to be seriously threatened.

Þannig að þessi hótun er sennilega bara það sem á ensku kallast "hot air", þ.e.a.s. þetta er líklegast bara í nösunum á Pútin.

 

 

 

 

Hóta að skrúfa fyrir gasið

Hvar er Palli?

Neeiiiii! Þessi bók er ekki á barnabókalistanum! 

Brennu-Njálssaga besta verkið

Smá kaldhæðni

Í lýsingu hópsins er vitnað í orð Ayaan Hirsi Ali. Hún var að missa af því að vera gerð að heiðursdoktor við hinn virta Brandeis háskóla fyrir að nota "neikvæðar staðalímyndir" til að lýsa Íslam.

A private university outside Boston has decided not to award an honorary degree to a Somali-born women's rights activist who has branded Islam violent and "a nihilistic cult of death."

Brandeis University said it had decided not to award an honorary degree to Ayaan Hirsi Ali, a former Dutch parliamentarian who has been a prominent critic of the treatment of women in Islamic society.

Ms Hirsi Ali in a 2003 interview with a Dutch newspaper said that by modern standards, the prophet Mohammed could be considered a paedophile, and in a 2007 interview with the London Evening Standard called Islam "a destructive, nihilistic cult of death."

"We cannot overlook certain of her past statements that are inconsistent with Brandeis University's core values," the university said in a statement late on Tuesday. "We regret that we were not aware of these statements earlier."

Það er vandlifað í hinu nýja heimi pólitísks réttrúnaðar. 

Heimild: The Sidney Morning Herald World

„Ekki bara einn og einn brandari“

Seltjarnarnesið II?

Gaman væri að vita hvernig Þórbergur Þórðarson myndi yrkja um Seltjarnarnesið í dag. Orginalinn er svona, eins og margir vita: 

 

Seltjarnarnesið

Seltjarnarnesið er lítið og lágt. 
Lifa þar fáir og hugsa smátt. 
Aldrei líta þeir sumar né sól. 
Sál þeirra’ er blind einsog klerkur á stól. 

Konurnar skvetta úr koppum á tún. 
Karlarnir vinda segl við hún. 
Draga þeir marhnút í drenginn sinn. 
Duus kaupir af þeim málfiskinn. 

Kofarnir ramba þar einn og einn. 
Ósköp leiðist mér þá að sjá. 
Prestkona fæddist í holtinu hér. 
Hún giftist manni, sem hlær að mér. 

Já, Seltjarnarnesið er lítið og lágt. 
Lifa þar fáir og hugsa smátt. 
Á kvöldin heyrast þar kynjahljóð. 
Komið þér sælar, jómfrú góð!

 

 

 

 

 

 

 

 

 

 

 

 

 

 

 

 

 

 

 

Ólafur Ragnar: Stórar stærðir ekki allaf bestar

Félagar

Hér grínast Sigmundur Davíð og Bjarni í hlutverkum Spock og Kapteins Kirks. Ég sé þá í anda.

BJARNI: Sigmundur Davíð, vilt þú ekki vera Spock? Hann er rosalega klár?

SIGMUNDUR DAVÍÐ: Nei, nei. Ég er Kapteinninn.

 

 

 

 

 

 

 

 

 

  

Skuldaleiðréttingin rædd á Alþingi