Krísa á stjórnarheimilinu

Stjórnarheimilið þarf á fjölskylduráðgjöf að halda áður en það breytist endanlega í sirkus.  En kannski er skilnaður bara besta lausnin. Þetta gengur varla mikið lengur. Bjarni Benediktsson er bókstaflega orðin gráhærður.


mbl.is Síðasti séns fyrir sjálfstæðismenn að sanna sig
Tilkynna um óviðeigandi tengingu við frétt

TikTok og læsi

Þetta er fínt framtak. En Þorsteinn Dagur segir:

„Mesti lær­dóm­ur­inn í líf­inu, hann ger­ist í frí­stund­inni, hann ger­ist ekki endi­lega í skóla­stofu eða þegar mennta­málaráðuneytið skip­ar þér að læra betri ís­lensku.“

Nýjustu rannsóknir sýna að þriðjungur drengja á Íslandi getur ekki lesið sér til gagns þegar þeir útskrifast úr grunnskóla. Þeir eru greinilega ekki að læra að lesa í frístundum heldur.

Það þarf að styrkja skólastarf og hvetja nemendur til að læra í skólanum og heima í stað þess að gera lítið úr skólastarfi. Það á að vera leikur að læra en til þess þurfa nemendur að leggja svolítið á sig, sjálfs síns vegna. Krafan um að nám eigi að vera afþreying endar með ósköpum. Ef TikTok leysir lestrarhæfni af hólmi erum við í vondum málum.


mbl.is Dugar ekki að nöldra í ungmennum
Tilkynna um óviðeigandi tengingu við frétt

Stríð og friður

Nýjasti Forsetaframbjóðandinn, Halla Tómasdóttir, segir: 

„Ég held að það sé ákaf­lega mik­il­vægt að við séum þjóð sem reyn­ir ekki að skipa okk­ur í lið held­ur velj­um frið. Við get­um verið vett­vang­ur þess í heimi þar sem aðrir velja stríð.

Ísland er nú þegar í liði. Það heitir NATÓ. Vill Halla að Ísland gangi úr NATÓ? Fyrst hún hóf máls á alvörumálum eins og stríði og friði verður hún að svara þessu. Klisjur og málskrúð duga ekki.


mbl.is Halla meyr að fundi loknum
Tilkynna um óviðeigandi tengingu við frétt

Inngildandi

Í greininni stendur:

Seg­ir Dag­björt frá heimasíðunni Miðju máls og læsis þar sem finna megi fjöl­breytt­ar upp­lýs­ing­ar um ýmsa siði, „allt varðandi inn­gild­andi sam­fé­lag hjá okk­ur. . . .

Inngildandi samfélag“. Orðið inngildandi er þýðing á enska orðinu inclusive en þetta hljómar hræðilega að mínu mati. En kannski er ég ekki nægilega inngildandi.


mbl.is Ramadan-fræðsluefni aðeins til upplýsingar
Tilkynna um óviðeigandi tengingu við frétt

Betrun eða refsing?

Þegar kemur að glæpum og refsingu er sænska "betrunarleiðin" greinilega ekki alveg að virka. Kannski læra Íslendingar eitthvað af þessu. Nei nei, auðvitað ekki. 


mbl.is Sprenging í raðhúsi hefndaraðgerð
Tilkynna um óviðeigandi tengingu við frétt

Lítil hugmynd

Svo er líka hægt að borða svolítið minna. 


mbl.is Ný pilla slær öðrum megrunarlyfjum við
Tilkynna um óviðeigandi tengingu við frétt

Hm . . .

Í greininni stendur:

Það þarf ótrú­legt hug­rekki fyr­ir mann í stöðu Bash­ar Murad að vera jafn frjáls í sköp­un sinni og hann er. Von­brigði að hann vann ekki en stuðning­ur­inn sem hann fékk hér var ótrú­leg­ur. Við meg­um vera stolt af því. En hann er kannski að etja við öfl sem eru aðeins öfl­ugri en kosn­inga­kerfi Söngv­akeppn­inn­ar ræður við,“ seg­ir Ragn­ar.

Ef ég skil þetta rétt þá er Ragnar Kjartansson að ýja að einhverju risasamsæri hér. 


mbl.is Ragnar segir framlag Bashar Murad frábært listaverk
Tilkynna um óviðeigandi tengingu við frétt

Land, menning og tunga

Það er hárrétt hjá Barry James--sem í gamla daga hefði verið neyddur til að skipta um nafn og kalla sig kannski Bárð Jakob Varðarson--að tungumálið er lykillinn að menningu landsins. En staðreyndin er sú að núna er hægt að búa á Íslandi og tala bara ensku. Það virka upp að vissu marki en afleyðingin er að viðkomandi verður alltaf utangarðs menningarlega og samfélagslega en sumum finnst það ekki nægilega mikið vandamál til að það sé þess virði að læra íslensku. 


mbl.is „Að læra tungumálið hleypti mér inn í samfélagið“
Tilkynna um óviðeigandi tengingu við frétt

Veldi fáránleikans

Gerður er mikill Eurovision aðdáandi en styrinn sem staðið hefur um keppnina varð til þess að hún neitaði sér um að fylgjast með henni. Þetta sýnir okkur að skoðanakúgun virkar, sem er auðvitað sorglegt. Að RÚV taki þátt í Eurovision en taki mögulega samt ekki þátt í Eurovision er einn eitt dæmið um veldi fáránleikans. Samuel Beckett hefði ekki getað gert betur.


mbl.is Ekki víst með þátttöku Heru Bjarkar
Tilkynna um óviðeigandi tengingu við frétt

Viðkvæmar bullur

Trump dreifir lygum og óhróðri um alla sem standa í vegi hans en er mjög viðkvæmur fyrir því sem aðrir segja um hann, sem er dæmigert fyrir fólk sem kalla mætti viðkæmar bullur. Á ensku kallast svona fólk victim bullies. En það er spennandi að fylgjast með þessu öllu saman. Ég verð að segja það!


mbl.is Trump gert að greiða tugi milljóna í málskostnað
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband