Rokk ljóðskáld--"The toppermost of the poppermost"

Megnið af dægurlagatextum er hnoð, en góðir rokktextar eru list. Lou Reed, sem lést í dag, var eitt fremsta rokkljóðskáld Bandaríkjanna. Að öðrum ólöstuðum er hann að mínu mati fjórða merkilegasta rokkskáld Norður-amerískrar tónlistarsögu. Flestir tónlistargagnrýnendur myndu að öllum líkindum setja Bob Dylan í fyrsta sætið. Ég myndi setja Jim Morrison í annað sæti og Leonard Cohen í það þriðja. 

Auðvitað er þetta allt spurning um smekk, en það er stundum gaman að setja saman vinsældarlista til að „örva heilbrigða samkeppni." John Lennon segir frá því að Bítlarnir grínuðust með það að þeir væru á leiðinni "to the toppermost of the poppermost."

Ef lesendur hafa áhuga á þessu viðfangsefni væri gaman að heyra hvaða fleiri Norður-amerískir söngvarar og textahöfundar eiga heima á lista yfir merk rokkljóðskáld. 

 

Athugasemdir

[hilmar jónsson, 28.10.2013 kl. 00:44]

Sannkallaður snillingur.

Gott dæmi hér: http://www.youtube.com/watch?v=-y3k7a8ZXFY

[Anna (IP-tala skráð) 28.10.2013 kl. 00:50]

Leonard Cohen naut mikillar virðingar sem ljóðskáld áður en hann ákvað að fara út í dægurtónlistarbransann.

[Wilhelm Emilsson, 28.10.2013 kl. 01:01]

Takk fyrir að líta við, gott fólk.

„Caroline Says II" er eitt af hans allra bestu lögum og þetta er áhrifamikill performans.