Máttur orða

Lesa margir Bíblíuna? Ég veit það ekki. Hún, líkt og Íslendingasögurnar, er full af góðum tilsvörum. Orð Pontíusar Pílatusar, „Hvað er sannleikur?”, eru klassísk. (Hvað varð eiginlega um Pontíus Pílatus?) Hér svarar Jesús fyrir sig eins og honum er einum lagið.

Lærisveinarnir gerðu sem Jesús bauð þeim og bjuggu til páskamáltíðar. Um kvöldið sat Jesús til borðs með þeim tólf.         

Og er þeir mötuðust sagði hann: „Sannlega segi ég ykkur: Einn af ykkur mun svíkja mig.“ Þeir urðu mjög hryggir og sögðu við hann, einn af öðrum: „Er það ég, Drottinn?“ 

Hann svaraði þeim: „Sá sem dýfði brauðinu í fatið með mér mun svíkja mig. Mannssonurinn fer að sönnu héðan svo sem um hann er ritað en vei þeim manni sem því veldur að Mannssonurinn verður framseldur. Betra væri þeim manni að hafa aldrei fæðst.“

En Júdas, sem sveik hann, sagði: „Rabbí, er það ég?“

Jesús svaraði: „Það eru þín orð.“

Svo mörg voru þau orð.

Draumur og veruleiki

Hér er bráðskemmtileg grein um ris og fall anarkista-kaffihúss í Tórontó, Kanada. Hún sýnir okkur að við lærum oft ekki baun af reynslunni. Það er jú miklu auðveldara og sársaukaminna að kenna öllu öðru um en draumórum manns sjálfs. "Í draumi sérhvers manns er fall hans falið," orti Steinn Steinarr.

https://www.dailymail.co.uk/news/article-12087627/amp/Torontos-anti-capitalist-cafe-shuts-one-year-business.html

Heróín og lógík

Að tala um háskalegt heróín er eins og að tala um hættulega hættu, heitan hita eða kaldan kulda. 

Varað við háskalegu heróíni í Noregi

Afsakanir

Þetta er löng og léleg afsökun hjá BBC. Kannski fékk framlag Breta svona fá stig vegna þess að lagið var kjánalegt og söngkonan smámælt. Bretar geta gert miklu betur.

Bretar furðu lostnir yfir slæmu gengi í Eurovision

Charlottesville

Í fréttinni stendur:

Biden vitnaði hins veg­ar beint í orð Trumps, sem hann lét falla í kjöl­far mót­mæla í Charlottesville 2018 . . . 

Atburðirnir í Charlottesville áttu sér stað í ágúst 2017, ekki 2018.

Kynþáttahyggja stærsta hryðjuverkaógnin

RÍSUM UPP! (Nema það rigni)

Er ég að skilja þetta rétt? Var byltingunni frestað vegna þess að veðrið var ekki nógu gott?

Úrkoma setti strik í reikninginn á allsherjarmótmælum

Hættulegar hugmyndir

Margir eru hneykslaðir á CNN að hafa sjónvarpað viðtalsþætti við forsetaframbjóðandann og fyrrverandi forsetann kjaftfora, Donald J. Trump. Þeim finnst þessi ákvörðun ekki bara óviðeigandi heldur einnig beinlínis ógn við lýðræðið. Þessi viðbrögð sýna að málfrelsi--sem er, eins og allt sæmilega upplýst fólk ætti að vita, einn af hornsteinum lýðræðins--á undir högg að sækja um þessar mundir. Krafa fólks um að fjölmiðlar fjalli ekki um menn og málefni sem þeim líkar ekki við er miklu meiri ógn við lýðræðislegt og frjálslynt samfélag en hugmyndir sem okkur líkar ekki við. Allar hugmyndir geta verið hættulegar. Það er eðli hugmynda. Við verðum að læra að fjalla um þær á vitrænan hátt í stað þess að hræðast þær. Við höfum ekkert að óttast nema óttann sjálfan, sagði Franklin D. Roosevelt Bandaríkjaforseti.

Trump, CNN og Lenín

CNN skipulagði og sjónvarpaði borgarafundi með Donald Trump 10. maí, þar sem hann sat fyrir svörum. Kaitlan Collins, fréttakona hjá CNN, var fundarstjóri. Trump hefur engu gleymt og ekkert lært, sem á náttúrulega við flest okkar. Hann er bæði slægur og veruleikafirrtur, sem er einkenni margra leiðtoga. Slíkir einstaklingar, Vladímír Lenín er gott dæmi, sveigja og beygja veruleikann að vilja sínum og bókstaflega skálda söguna. Á sínum tíma töldu sumir að Lenín væri geðveikur en hann var bara fanatískur frekjuhundur, eins og Trump. Orka og sannfæringarkraftur slíkra foringja er svo yfirþyrmandi að fólk dáleiðist ef það gætir sín ekki. Ansi margir—það skiptir ekki máli hvort þeir eru hægri- eða vinstrisinnaðir—þrá sterka leiðtoga. Við erum svo frumstæð. En við þurfum alltaf að borga reikninginn að lokum. Höfum við efni á fleiri öfgamönnum? Sennilega ekki en það er enn nóg framboð og eftirspurn að sjálfsögðu. Við erum svo lengi að læra.

Hnignun Kennedy fjölskyldunnar

Forsetaframbjóðandinnn og demókratinn Robert Kennedy Jr er hér sleginn rækilega út af laginu, nánast óvart, af FOX NEWS þáttastjórnandanum Sean Hannity. Það kannski ekki hlæjandi að þessu því Robert Kennedy Jr er fáráður en hann mælist samt með 19% fylgi, sem eru auðvitað slæmar fréttir fyrir Joe Biden og góðar fréttir fyrir Trump.

https://cdn.jwplayer.com/previews/aRc7HoGx

Fólk sem lýgur

Það er fullt starf að komast að því hvað, ef eitthvað, er satt af því sem þessi maður sagði um líf sitt, menntun og starfsferil. Svo er alltaf jafn fyndið að sjá hvað fólk sem verður uppljóst að raðlygum er hneykslað á því að vera sakað um að vera óheiðarlegt. Þetta er auðvitað hluti af persónuleika þess og blekkingarvef. Svona manneskjur er líka oft duglegar við að berjast gegn alls kyns óréttlæti, því það er hentugt skálkaskjól og svínvirkar.

Saksóknari ákærir þingmann