Forgangsröðun

Ómar Ragnarsson er handtekinn fyrir að reyna að vernda íslenska náttúru. Stuttu áður birtast fréttir um grímuklædda menn sem ráðast inn á heimili og misþyrma vitni í sakamáli. Samkvæmt Mbl.is "herja" þessir grímuklæddu menn á önnur vitni í málinu. Er ef til vill kominn tími til að endurhugsa forgangsröðun hjá lögreglunni?

Ef lögreglan telur að fólk hafi brotið af sér á það fólk á hættu að vera handtekið. Þetta vissi Ómar Ragnarsson væntanlega. En hverjir eru meiri ógn við lýðveldið, maðurinn sem söng „Ég er að baka" og bjó til Stikluþættina, eða grímuklæddir menn sem ógna og misþyrma vitnum?

Vísað aftur af vinnusvæðinu