Þekking og þekkingarleysi

“Þekktu sjálfan þig” er sennilega þekktasta setning forn-grískrar menningar. En við þurfum líka að þekkja þá sem við umgöngumst. Hér kemur hin skemmtilega og séríslenska setning “Ég þekki þig og þitt fólk!” sterk inn. Auk þess að þekkja sjálfan sig og aðra þarf maður að vita hvar maður er, hvaðan maður er að koma og hvert maður er að fara. Mörg okkar, kannski flest—gáfnaljós, meðaljónar og tossar—læra þetta aldrei og vaða í villu og svíma allt sitt líf. Bömmer!