Öðrum að kenna

Í greininni stendur: „Það sem er að gerast er bein afleiðing þegjandi samþykkis vestrænna stjórnmálamanna og evrópskra stofnana, sem hafa lokað augunum fyrir agressívum aðgerðum úkraínskra öfgaafla frá byrjun krísunnar,“ sagði í tilkynningu rússneska utanríkisráðuneytisins.

Ókei, vestrænir stjórnmálamenn og stofnanir mega ekki einu sinni þegja. Einhvern veginn er þetta allt þeim að kenna. Svona málflutningur sýnir best hvað rússneska utanríkisráðuneytið er despertat.

Segja vesturveldin ábyrg

Barði

Barði er frábær póstmódernískur poppari og hann er svo skemmtilega krípí. Grín heimildamyndin um hann, sem má sennilega finna enn einhvers staðar á YouTube, er dásamleg. Mér finnst útgáfa Bang Gang af gamla Díönu Ross og Supremes laginu „Stop in the Name of Love" með því besta sem hann hefur gert.

 

 

Myndband Barða frumsýnt á vef Rolling Stone

Sviss

Hér fjallar Ricky Gervais um Frakka og Svisslendinga. Góða skemmtun!

http://vimeo.com/34707473

  

Fljúga ekki utan skrifstofutíma

Óþægilegar spurningar

Vondandi spyr nýji ritstjórinn ráðamenn í Sádí-Arabíu engra óþægilegra spurninga. Þá á hún á hættu að vera sökuð um að stunda „umræðuhryðjuverk”, „verða sér til háborinnar skammar” og að hún sé eins og „smáhundur”, „kvikindi” sem menn þurfa að sparka af sér. Ó, sorrí, ég fór landavillt. Þetta er það sem gerist þegar spyrill á ríkisfjölmiðli spyr ráðamann á Íslandi „óþægilegra” spurninga.

 

Fyrsti kvenritstjóri landsins

Dauðaþrá

Að láta morðingja, sem stakk fórnarlamb sitt 57 sinnum, hafa skæri og biðja hann um að klippa sig bendir til þess að fangelsisstjórinn hafi hugsanlega verið með netta dauðaþrá.

 

 

Myrtur í stað klippingar

David Lee Roth, "Goin' Crazy!"

Boko Haram

„Boko Haram” þýðir „vestræn menntun er synd”. Þessi íslamski öfgahópur er í „heilögu stríði” („Jihad”), en samkvæmt BBC myrða þessir menn bæði kristna og múslimi.

Hópurinn hefur drepið u.þ.b. 2000 einstaklinga síðan 2009. Her Nígeríu er flúinn af svæðinu og forsetinn, Goodluck Jonathan, á úr vöndu að ráða. Hann trúir því að Guð muni blessa Nígeríu: „Guð mun halda áfram að heyra bænir okkar, þannig að land okkar mun komast útúr þessum vandmálum og öðrum glæpum”. Vonandi gerir Goodluck eitthvað annað en biðja. Guð hjálpar þeim sem hjálpa sér sjálfir, eins og sagt er.

Myrtu yfir hundrað þorpsbúa

"Réttlætið það sigraði að lokum"

Og það sem verra er, Monster-in-Law er ótrúlega léleg mynd. Konan hefði að minnsta kosti átt að hafa vit á því að stela sæmilegri mynd, fyrst hún var að þessu á annað borð. Out of Sight, sem er líka með Jennifer Lopez, hefði verið miklu betra val.

Skilaði ekki spólu - fór í fangelsi

Veruleikafirring

Þetta augnablik segir okkur ansi mikið: 

GÍSLI MARTEINN: Það er ég sem stýri viðtalinu. 

SIGMUNDUR DAVÍÐ: Nei.

Frekjan í Sigmundi Davíð er svo mikil að hann getur ekki einu sinni viðurkennt þá grunnstaðreynd að hann stýrir ekki viðtalinu. 

„Vá. Þetta var furðulegt“

Það sem öðrum finnst

Dr. Phil sagði einu sinni eitthvað á þessa leið: „Ef þú vissir hve fólk eyðir litlum tíma í að hugsa um þig, þá myndirðu hætta að hafa svona miklar áhyggjur af því hvað fólki finnst um þig.” Málið er að flestir eru of uppteknir við að hugsa um sjálfa sig til að pæla of mikið í þér.

Fjórar leiðir til að hætta að hugsa um hvað öðrum finnst