Áfram stelpur!

Mikið er þetta tal um bakslag orðið þreytt. Þar að auki, er ekki verið að tala um kvennréttindabaráttu? Hvað kemur spurningum sem beint var að karlframbjóðanda henni við? Er það "afar miðaldalegt" að forsetaframbjóðandi sé spurður spurninga? Er það kvennakúgun?

„Jæja, stelpur, núna eigið þið að taka við“

Líf í tuskunum

Gamli KGB-maðurinn heimsækir eina alvöru Stalíníska landið sem eftir er, sem sýnir að það er líf í tuskum sem margir töldu að væru löngu komnar á öskuhauga sögunnar. Eins og margir vita var alheims byltingarmaðurinn og stofnandi Rauða hersins, Trotskí, sem bjó til frasann um öskuhauga sögunnar myrtur af flugumanni Stalíns með ísexi í Mexíkó 1940. 

Pútín á leið til Norður-Kóreu

Ósamlyndi Samfylkingarinnar

Að hverju segir Helga Vala sig ekki líka úr Samfylkingunni? Formaðurinn fyrrverandi, Logi Einarsson, virðist líka frekar ólukkulegur þessa dagana.  

Núna verður spennandi að fylgjast með því hvort að fylgi Samfylkingarinnar minnki, aukist eða standi í stað eftir þetta míní-drama. 

Segir flokkinn fátækari án Þorbjargar

Vinir Pútíns

Núna bíða lesendur spenntir eftir því að vinir Pútíns á Moggablogginu útskýri fyrir lesendum hvers vegna Svíar beri alfarið ábyrgð á þessu að því að þeir hafi ógnað rússneska flughernum 

Rússnesk herþota rauf sænska lofthelgi

Hvað vilja Píratar?

Ég er að reyna að skilja hvað Píratar vilja. Eftirfarandi er frá flokknum:

Álykta Píratar að

1.Landamæri þjóða eru manngerð fyrirbæri sem koma oft í veg fyrir sjálfræði fólks og jafnræði á milli fólks af ólíkum uppruna.

Þýðir þetta að Píratar vilji engin landamæri? Það hljómar þannig. Ef Píratar vilja stuðla að "sjálfræði fólks og jafnræði á milli fólks af ólíkum uppruna" og trúa að landamæri hindri sjálfræði og jafnræði þá er rökrétt að þeir séu á móti "manngerðum fyrirbærum" eins og landamærum. En Anna Arndís Kristínardóttir, þingmaður Pírata, skrifaði í grein sem birt var á Visi.is 27. febrúar á þessu ári:

Fullyrðingin: Píratar vilja bara opna landamæri Íslands fyrir öllum.

Reyndin: Hvergi í alvarlegri umræðu um útlendinga og flóttafólk er verið að ræða hvort landamæri Íslands eigi að vera opin eða lokuð. Hvergi.

Þýðir þetta að málflutningur samtaka No Borders og ályktunin sem ég vitnaði í frá hennar eigin flokki séu ekki "alvarleg umræða" að hennar mati? En kannski er ég að misskilja eitthvað.

Skilaboðin þau að flóttamenn séu hættulegir

Regla og óregla

Ég vitna hér í hluta greinarinnar:

Spurður hvort að um reglu­bundna aðgerð sé að ræða seg­ir hann þetta vera „óreglu­lega reglu­bundið".

Óreglulega reglubundið. Þetta er mjög Framsóknarlegt svar. Ég verð að segja það.

„Óreglulega reglubundið“ eftirlit

Viðbót frá Vísi

Vísir.is skrifar um málið. Hér er brot út þeirri frétt:

„Þau eru ekki búin að vera friðsamleg,“ segir Kristján Helgi Þráinsson aðstoðaryfirlögregluþjónn um mótmælin við Alþingishúsið í kvöld. Hann segir mótmælendur hafa kveikt á blysum og hent þeim og reyk að Alþingishúsinu. Auk þess hafi þau sett matarlit á hurð Alþingis. 

Hann segir einn lögreglumann hafa beitt piparúða og að hann hafi líklega farið yfir nokkra aðila. „Við vorum með aukamenn til staðar út af mótmælunum og svo kölluðum við til bíla sem eru í umferð eins og við þurftum til að leysa verkefnið.“

Er ekki eðlilegt að sem flestar staðreyndir og meira en eitt sjónarhorn komi fram þegar skrifað er um viðkvæm mál?

 

Lögreglan beitti piparúða á mótmælendur

Verslun og wokismi

Viðskiptasjónarmið voru aðalástæðan fyrir því að fyrirtæki tóku upp wokeisma/pólitískan réttrúnað. Bud Light var, til dæmis, að “höfða til unga fólksins” með því að fá áhrifavald, sem er transkona, til að auglýsa fyrir sig. Það skilaði ekki tilætluðum árangri, svo ekki sé dýpra í árinni tekið, og fyrirtækið sendi stjórnendurna sem báru ábyrgð á þeirri ákvörðun í leyfi. Í Norður-Ameríku er stundum sagt, “Go woke and go broke.” Viðskipti, eins og við vitum snúast fyrst og fremst um hagnað, ekki hugmyndafræði.

Hluthafar að snúast gegn „woke“ hugmyndafræði

Út í eyðimörkina

Nýi formaður Samfylkingarinnar, flokks sem þurrkaðist næstum út líkt og er að gerast með Vinstri græna, áttaði sig á því að til að lifa af þurfti flokkurinn að mjaka sér aðeins til hægri. Vinstri grænir virðast ekki vera á þeim buxunum, sem er að mörgu leyti skiljanlegt, heldur gera sig líklega til að halda lengra út í eyðimörk villta vinstrisins. Kannski ná þeir þar að kroppa fylgi af Sósíalistum og Pírötum. Kannski ekki. Andi eyðimerkurinnar er kaldur og óútreiknanlegur.

„Við eigum að hætta hvalveiðum á Íslandi“

Tveir Finnar

Þetta minnir mig á söguna um litla og stóra Finnann. Þeir sátu að sumbli eitt vetrarkvöld í Helsinki. Þeir kláruðu eina vodkaflösku. Litli Finninn sagði við stóra Finnann, "Þetta var góður vodki." Þeir drukku aðra vodkaflösku. Litli Finninn sagði við stóra Finnann, "Þetta var góður vodki." Þeir drukku aðra vodkaflösku. Litli Finninn sagði við stóra Finnann, "Þetta var mjög góður vodki." Þá sagði stóri Finninn við litla Finnann, "Erum við hér til að drekka eða erum við hér til að tala?"

Finnland rýmkar áfengislög landsins