Byltingarmaðurinn Bannon

Steve Bannon er nokkuð merkilegur fír. Hann er byltingarsinnaður hægrimaður. Ein af fyrirmyndum hans er Vladímír Lenín. Hægrisinnaðir og vinstrisinnaðir byltingarmenn eiga margt sameiginlegt. Bannon er líka dæmdur glæpamaður. Eins og vinstrisinnað byltingarfólk sem telur sig „réttu megin sögunnar" virðir hann ekki leikreglur lýðræðislegs réttarfars. Yfirvöldum ber skylda til að verja samfélagið gegn fólki eins og Bannon, sem svífst einskis og gengur alltaf eins langt og hann getur. Meira að segja Trump sagði að Bannon hefði misst vitið eftir að Bannon missti starf sitt í Hvíta húsinu sem ráðgjafi Trumps. En Bannon hefur ekki misst vitið. Hann veit vel hvað hann er að gera, alveg eins og Lenín.

Steve Bannon í fangelsi þann 1. júlí

Páll og Pútín

Ofurbloggarinn Páll Vilhjálmsson heldur því fram að Pútín sé „von Evrópu." Hvað veldur því að fólk sem ætti að vita betur er svo örvæntingarfullt og ráðvillt að gamall KGB-maður, skilgetið afkvæmi gömlu Ráðstjórnarríkjanna, er þeirra Messías? Sem betur fer er Pútín ekki hér . . . ekki ennþá að minnsta kosti.

„Verðum að varðveita evrópsk gildi“

Glæpur og gagnrýnin hugsun

Þetta sýnir bara að norræna fangelsismódelið er ekki að virka. Í stað þess að eyða meiri peningum í það þarf að endurhugsa það frá grunni.

Fjölgun fanga blasir við

Lög

Fjölnir Sæmundsson, formaður Landssambands lögreglumanna, segir: „Það er bannað að loka göt­um án þess að fá leyfi frá lög­reglu og þér ber að hlýða lög­reglu, við lít­um þannig á það." Þetta á ekki að vera spurning um hvernig lögreglumenn eða aðrir „líta á" hlutina. Hvað segja lögin? Í 19. grein lögreglulaga nr. 90/1996 segir að almenningi sé „skylt að hlýða fyrirmælum sem lögreglan gefur, svo sem vegna umferðarstjórnar eða til þess að halda uppi lögum og reglu á almannafæri.“ Margir mótmælendur „líta þannig á það" að þeir þurfi ekki að hlýða fyrirmælum lögreglu. Svona hlutir verða að vera á hreinu. Annars er voðinn vís bæði fyrir einstaklingana og samfélagið.

Heimild: Vísindavefurinn.

Lögreglumenn pirraðir á orðræðunni

Fréttaskýring

Fréttaskýring Sunnu Valgerðardóttur, sem sagði upp starfi hjá RÚV til að vinna fyrir Vinstri græna, er svona: "Vinstrið kann að vera vont við sig." Hvernig á að túlka þessa fréttaskýringu? Er Sunna að gefa í skyn að vinstrisinnar séu dómgreindarlausir sadómasókistar með sjálfseyðingarhvöt?

Brotthvarf Katrínar gæti haft áhrif

Ha?

Hér er hluti úr frétt á RÚV.is:

Sagði hún [dómsmálaráðherra] að ráðherrar hefðu ekki komist til og frá ríkisstjórnarfundi ef ekki hefði verið fyrir lögreglu.

„Lögregla starfar eftir mjög skýru verklagi og gerði það,“ sagði Guðrún.

Þórhildur Sunna gaf lítið fyrir orð dómsmálaráðherra.

„Ráðherra dómsmála á Íslandi getur bara ekki leyft sér að hafa einhverja skoðun á því hvernig lýðræðið virkar og hvernig réttur fólks til að mótmæla virkar.

Ha? Þórhildur Sunna segist styðja skoðana- og tjáningafrelsi en vill taka það af dómsmálaráðherra. Myndi hún fara eftir þessu sjálf ef hún væri dómsmálaráðherra? Ég held ekki enda væri það fáránlegt.

Hefðu ekki komist ferða sinna án aðkomu lögreglu

Bíblían

Það er ástæða fyrir því að fólk er enn að lesa, tala og skrifa um Bíblíuna. Það er hægt að vera algerlega trúlaus en átta sig samt á því að frá bókmenntalegu og menningarlegu sjónarhorni er Bíblían ein af merkustu bókum veraldarsögunnar.

„Biblían er í mínum huga ein versta bók sem til er“

Hugmynd

Það væri kannski sniðugra fyrir forsetaframbjóðandann geðþekka að standa við hliðina á venjulegum væskli frekar en íslenskum Tarzan, því það er vonlaust að keppa við hinn síðarnefnda þótt maður sé í ágætis formi. Bara hugmynd!  

Frambjóðandi hnyklaði vöðvana með áhrifavaldi

Háværi minnihlutinn og við hin

Ég held að ráðgjafarnir ofmeti áhrif Gísla Marteins, Felix Bergssonar og háværa minnihlutans.

Fyrirtækjum ráðlagt að halda sig frá Eurovision

Söngur Sólveigar Önnu

Söngur Sólveigar Önnu er alltaf sá sami. Það eru allir geðveikir og/eða rosalega vondir nema hún sjálf og þeir sem hún hefur velþóknun á. Hvað segir hún um hryðjuverkasamtökin Hamas og árásina sem þau gerðu 7. október? Hér eru hennar orð:

"Hryðjuverk" gala íslensk stjórnvöld eins hátt og þau geta, til að tryggja sér ákafari og betri strokur frá Ameríku og hinu gjörspillta Evrópusambandi, þegar að fólk sem verið er að murka úr lífið reynir að rísa upp og kasta af sér oki kúgunar, rasisma og aðskilnaðarstefnu".

Heimild: DV.is 9. október 2023.

Ég frábið mér móralíseríngar frá fólki sem hugsar svona og er stollt af því.

 

„Stjórnvöld láti af sjúklegri undirgefni sinni“