Hvað eru hryðjuverk?

Þessi mynd er frá mótmælum í Pakistan. Borðinn sem mennirnir halda á segir að þeir telja að versta hryðjuverk sem hægt er að fremja sé að teikna skrípamynd af spámanninum og þeir krefjast þess að teiknararnir verði hengdir hið snarasta. Þá vitum við það.

Fimm ákærðir í Belgíu

Endurkoma

Flott mynd og gaman fyrir Ísland að Jesús valdi Akranes fyrir endurkomu sína. 

 

 

Jesús í norðurljósunum yfir Íslandi

Ummæli Salmanns Tamimi um Menningarsetur múslima á Íslandi

Ég mæli með grein í Vísi frá nóvember, 2010, þar sem Salmann Tamimi, sem þá var formaður Félags múslima á íslandi, tjáir sig um Menningarsetur múslima, sem er klofningur úr Félagi múslima á Íslandi, eins og margir vita.

Salmann segir meðal annars, þegar hann er spurður hvað honum þótti varhugavert við hegðun manna sem stofnuðu Menningarsetur múslima, og hann segir að hafi verið reknir úr Félagi múslima á Íslandi:

„Okkur fannst á sínum tíma að þessi menn væru að ýta undir alls kyns öfga í sambandi við trú og þjóðerni fólks. Okkur fannst að þeir vildu vera aðskildir okkar stefnu sem miðar að því að fara eftir íslenskum hefðum og reglum, þetta er ekki arabískt félag, ekki pakistanskt , eða afganskt eða palestínskt. Mér finnst að það komi ekki til greina að Félag múslíma sé útibúa einhvers annars lands."

Hér er má finna greinina:

http://www.visir.is/salmann-tamimi--moska-verdur-ad-vera-a-islenskum-forsendum/article/2010163892745

Voðaverkin ekki á ábyrgð múslíma

"Til fjandans með málfrelsi!!"

Þessi mynd segir allt sem segja þarf. Breskur múslimi notar grunnrétt sinn til málfrelsis, sem hann nýtur í frjálslyndu landi en myndi ekki njóta annars staðar, til að berjast gegn sama rétti. Betra dæmi um íróníu er vandfundið.

Ég mæli með eftirfarandi grein úr The Guardian um viðbrögðin við skopteikningum í Jyllands-posten 2006:

http://www.theguardian.com/world/2006/feb/03/

religion.uk

Hóta bókabúðum í Belgíu

Tvöfaldur tapari býður sig fram

Romney er nú þegar tú tæm lúser. Ein af frægari setningum hans úr kosningabaráttunni 2012 er: "Corporations are people, too, my friend." Hann er of ríkur, stirðbusalegur og hrokafullur til að geta feikað það að vera "maður fólksins", sem er nauðsynlegt til þess ná kjöri í Bandaríkjunum. Stundum er sagt að Bandaríkjamenn kjósi forseta sem þeir ímynda sér að þeir geti drukkið með bjór og spjallað við á bar. 

Núna er spurningin hvort Bandaríkjamenn eru reiðubúnir að kjósa konu, Hillary Clinton. Ég er ekki frá því.

P.S. Íslendingar eru greinilega öðruvísi en Bandaríkjamenn þegar kemur að forsetavali, hingað til að minnsta kosti. Geta menn ímyndað sér að fá sér bjór með Ólafi Ragnari Grímssyni, Vigdísi Finnbogadóttur eða Kristjáni Eldjárn? Nei, ekki ég heldur.  

Romney ekki sagt sitt síðasta

Vandlifað

Fyrir stuttu, þegar Sigmundur Davíð Gunnlaugsson gat ekki mætt í vinnuna vegna þess að hann var á ferðalagi, sagði ég í gríni að hann gæti varla orðið hreyft sig án þess að úr því yrði skandall. Nú er svo komið að þegar Sigmundur Davíð hreyfir sig ekki verður líka úr því skandall.

Það er vandlifað að vera.

Hefðu betur sent einhvern æðstu embættismanna

Réttur dagsins

Ég hélt fyrst að kokkurinn hefði verið gagnrýndur fyrir hundaát á Íslandi. Nett lesblinda greinilega. En það hefði náttúrulega verið betri frétt.

Ég þekkti einu sinni enskumælandi mann sem bjó á Íslandi. Þetta var fyrir tuttugu og eitthvað árum síðan. Hann sótti dóttur sína reglulega á leikskólann. Hún naut sérstakrar virðingar meðal barnanna, því hún „átti pabba"--flestir krakkarnir voru börn einstæðra mæðra--og svo þótti pabbinn kúl. „Pabbi þinn talar eins og Hökki hundur."

Gagnrýndur fyrir lundaát á Íslandi

Herra Óframkvæmanleiki

Yfirlýsingin frá Forsætisráðuneytinu er svohljóðandi:

Strax og tilkynning barst um samstöðufundinn var hafist handa við að gera ráðstafanir svo hægt yrði að þiggja boðið og tryggt yrði að fulltrúi Íslands mætti.

Forsætisráðherra lét kanna hvort möguleiki væri á að hann gæti mætt sjálfur til athafnarinnar. Vegna ýmissa samverkandi þátta, einkum skamms fyrirvara, ferðatíma og dagskrár ráðherra, var hvorki forsætis- né utanríkisráðherra fært að taka þátt í göngunni.

Ég var nú að vona að afsökunin yrði svolítið frumlegri og skemmtilegri. En gott og vel. Sem sagt, fyrirvara-, ferðatíma-, og dagskrárlegur óframkvæmanleiki varð þess valdandi að Sigmundur Davíð Gunnlaugsson sá sér ekki fært að mæta. Já, það getur verið erfitt að glíma við hina ýmsu samverkandi þætti tilverunnar.

Uppáhaldsafsökunin mín er eftirfarandi. Einu sinni var ungur maður skotinn í ungri konu. Hann mannaði sig upp, hringdi í hana og bauð henni út. Hún svaraði:

„Nei, veistu, ég kemst ekki. Ég þarf að þvo mér um hárið."

UPPFÆRT:

Þetta skrifaði Sigmundur Davíð á Facebook. Nú þekki ég minn mann! 

Hafa skal það sem réttara reynist! Það er rangt að ég hafi afþakkað boð Frakklandsforseta um að taka þátt í samstöðugöngunni í París í dag. Það barst raunar ekkert boð frá Frakklandsforseta. Í fyrrakvöld fékk ég hins vegar í hendur bréf frá franska sendiráðinu þar sem þakkað var fyrir stuðning við Frakka og bent á að erlendum gestum sem þess óskuðu byðist að taka þátt í göngunni. Það boð Frakka var heldur ekki afþakkað, þvert á móti var strax farið í að tryggja að fulltrúi mætti fyrir hönd Íslands. Ég hafði áhuga á að mæta sjálfur, enda hafa viðburðirnir í Frakklandi og ýmislegt sem þeim tengist haft mikil áhrif á mig, eins og marga aðra. Mér þótti leitt að það skyldi ekki ganga upp en þó leiðinlegra að sjá að rangfærslur um það skuli beina athyglinni frá því sem öllu máli skiptir: Samúð með fórnarlömbunum og mikilvægi þess að ræða grundvöll mannréttinda og standa vörð um hann.

Það var ekkert boð, þess vegna afþakkaði hannn ekkert. Samt var boð og það var ekki afþakkað. Og eins og vanalega voru fjölmiðlar bara með leiðindi og útúrsnúninga og ættu að skammast sín.

 

Tímaskortur hamlaði för ráðherra

Tilboð

Hver hefur ekki lent í þessu?

Fékk tilboð eftir birtingu nektarmyndar

Grátbroslegt

Í greininni stendur:

Sam­tök­in höfnuðu einnig um­mæl­um for­sæt­is­ráðherra Ísra­els, Benja­míns Net­anya­hus, þar sem hann líkti árás­inni í Par­ís við eld­flauga­skot Ham­as-sam­tak­anna á al­menna borg­ara í Ísra­el.

„Ham­as for­dæm­ir ör­vænt­ing­ar­full­ar til­raun­ir Net­anya­hus til að tengja hreyf­ingu okk­ar og mót­stöðu Palestínu­manna við hnatt­ræn hryðju­verk.“

Hamas og stjórn Netanyahus keppast við að þvo hendur sínar. Báðir aðilar bera ábyrgð á morðum á almennum borgurum, en reyna að réttlæta aðgerðir sínar fyrir sjálfum sér og umheiminum. 

Hamas fordæma hryðjuverkin í París