Fimmti meðlimurinn

Hver er fimmti gæinn (sá sem hefur lagt hönd á öxl James Hetfields)? Síðast þegar ég vissi voru bara fjórir meðlimir í Metalliku.

Fyrir nokkrum árum sat ég úti á veitingarstað í Vancouver, Gallery Café. James Hetfield kemur þar ásamt öðrum manni og talar við þjóninn. (Metallica var með hljómleika í borginni um kvöldið.) Hann er að leita að hamborgarastað og þjónninn útskýrir að staðurinn framreiddi ekki hamborgara.

Maður er einhvern veginn alltaf eins og asni þegar maður sér frægt fólk. Finnst að maður eigi að gera eitthvað, en vill samt ekki vera að bögga viðkomandi. Ég var að hugsa um hvort ég ætti að fá eiginhandaráritun hjá honum, þótt ég sé enginn rosa aðdáandi--keypti reyndar svörtu plötuna Metallica þegar hún kom út og sá heimildamyndina um bandið, Some Kind of Monster--en mér fannst að það gæti orðið vandræðalegt að tala við Hetfield, því í svipinn mundi ég ekki hvort hann héti Hetfeld eða Hetfield, Jim eða James. Ég ætlaði ekki á hljómleikana og hafði ekki fylgst vel með því sem Metallica hafði verið að gera, því mér fannst þeir vera farnir að hjakka svolítið í sama farinu. „Heyrðu, ég man ekki alveg hvað þú heitir, en ég veit að þú ert ekki Lars Ulrich." Svo lallaði hann burt með vini sínum. Hann var skælbrosandi og hávaxnari en ég átti von á. Rokkarar sem virka stórir eru oft stubbar, en ekki hann.  

 

 

 

 

 

 

 

 

 

 

Rokkað aðalatriði á Glastonbury