Óli litli--ekki fyrir viðkvæma

„Ekkert vinnuframlag, engar bætur," heyrir maður sagt stundum. Af því að ég er svolítið íhald inn við beinið, þá skil ég þetta viðhorf, en ég veit líka að það er umdeilanlegt.

Hugrenningatengsl eru stundum svolítið svakaleg. Ég man yfirleitt ekki brandara, en einhverra hluta vegna man ég þennan:

Mamma er í eldhúsinu og er nýbúin að baka jólasmákökur. Óli litli spyr mömmu sína hvort hann megi fá kökur. 

      “Já, já, náðu í þær sjálfur.”

     „En, mamma, mig laaaangar svo í kökur!”

      „Óli minn, náðu þér bara í kökurnar.”

    Óli horfir á mömmu sína með tárin í augunum og segir: 

      „Já, en, mamma . . . ég hef engar hendur!”

     Mamma lítur á Óla litla og segir: 

     „Óli minn, engar hendur, engar kökur.”

 

 

 

 

 

 

 

 

 

 

 

Vilja skylda atvinnuleitendur til starfa

Athugasemdir

[Pétur D. (IP-tala skráð) 22.9.2014 kl. 11:03]

Athyglisverð saga. Þótt ég sé sjálfur aðeins til hægri við miðjuna, þá hittir hún alveg naglann á höfuðið eins og ástandið á Íslandi er í dag.

Ég gizka á að atvinnuleysi á Íslandi sé um 10%, opinberar tölur eru engan veginn réttar. Hundruð atvinnuleitenda geta ekki fundið atvinnu, ekki vegna þess að þeir eru vandlátir eða latir, heldur vegna þess að stærsti hluti af lausum stöðum eru ekki auglýstar og fást eingöngu gegnum rétt sambönd. Stór hluti atvinnulausra getur ekki fundið vinnu, því að það er ekkert laust innan þeirra sviða þar sem þeir hafa færni. Það þýðir ekkert fyrir trésmið að sækja um vinnu sem logsuðumaður, hvað þá fyrir fólk sem hefur enga iðnmenntun. Ef einhver vill endurmennta sig í annarri grein/öðru sviði þar sem er atvinnu að fá, þá eru allar dyr lokaðar.

Hins vegar geta liðleskjur sem aldrei hafa haft raunverulega atvinnu, heldur alltaf unnið fyrir hið opinbera, eins og megnið af embættismönnum, alltaf fundið eitthvað (hjá opnberri stofnun). Ef ekki, þá búa vinir hans innan ríkisins eða sveitarfélagsins bara til stöðugildi fyrir hann. Svo voga þessir ónytjungar að líta niður á atvinnulaust fólk, sem átti engan þátt í hruninu. Hruninu, sem alþingismenn frá 2000 - 2008 og vinir þeirra innan elítunnar og hins opinbera áttu fulla sök á.

En það er dæmigert fyrir hægriflokkana í núverandi ríkisstjórn (og hægriflokka yfirleitt) að kenna atvinnuleitendum alfarið um atvinnuleysi sitt, í staðinn fyrir að sjá um uppbyggingu atvinnulífsins eins og þeir lofuðu og hafa illilega svikið. Tvær nýjar verksmiðjur er ekki nóg, það þarf mikið meira en það til að leysa vandamálið.

Ríkisstjórnin er einfaldlega ekki að standa sig.

My 10 cents.

[Wilhelm Emilsson, 22.9.2014 kl. 20:32]

Takk fyrir 10 sentin, Pétur!