Hús guðanna

Moska og fleiri kaþólskar kirkjur. Vantar ekki synagógu og hindúa- og Búdda hof og nýja Mormónakirkju kannski?

Hvenær fáum við meiri upplýsingu? Meiri skynsemi? Eða er voðalega móðgandi að biðja um slíkt?

 

 

Kaþólskum fjölgar ört

Athugasemdir

[Ististi (IP-tala skráð) 23.1.2015 kl. 08:50]

Það verður aldrei synagóga hér. Það hefur aukist mjög fólksflótti frá Frakklandi, sem var alltaf eitt aðalheimili gyðinga og var aðalheimili í Evrópu eftir aðra heimsstyrjöldina. Fyrir örfáum árum voru myrt skólabörn og verslunareigendur af gyðingaættum þar og núna í árásunum á teiknimyndamennina voru fjórir gyðingar myrtir í kosher matvöruverslun, en lítið rataði það í fjölmiðla eða vakti áhuga fólks enda líf gyðinga talin ómerkilegri en annarra líf. Ástandið í nágrannalöndum okkar er sérlega slæmt og mikill flótti verið frá Danmörku og Svíþjóð, því múslimskir innflytjendur í þessum löndum eru hallari undir ofstæki en múslimar í flestum öðrum löndum Evrópu, sér í lagi í Malmö, sem var aðalheimili gyðinga í Svíþjóð kynslóðum saman, sem er nú nær tæmd af þeim eftir að borgarstjórinn neitaði að veita þeim sérstaka vernd og afsakaði árásirnar á sænskt fólk sem búið hefur í Svíþjóð í margar kynslóðir, er reyndar fæst mjög trúað og hefur að stærstum hluta afartakmarkaðann áhuga á Ísrael, sé Ísraelshatur en ekki gyðingahatur. Það er augljóslega ekki vitglóra í þessu, en afleiðingin var að stærstur hluti fólksins fór til Ísraels, þar sem býðst sérstök aðstoð fyrir venjulegt fólk sem hefur ekki efni á skyndilegum fólksflutningum, að koma undir sig fótunum, en það er mikill misskilningur að gyðingar Evrópu séu almennt ríkt fólk, því það er ekki nema örlítið brot þeirra það. Vegna ástandsins í Svíþjóð og Danmörku sem eiga að vera líkust okkur þá álykta gyðingar hér að það verði svipað hérna. Annað er að fjöldi jafnvel trúlausra, veraldlegra gyðinga hefur hér upplifað hatur og ókvæðisorð frá ákveðnu andlega vanheilu fólki sem tilheyrir samtökunum Vinum Palestínu, og telur stuðning sinn við Palestínumenn réttlæta mismunun, hatur og einelti út í fólk sem gerði ekkert annað en fæðast í Ísrael af sér, jafnt og Bandaríkjamenn eða Evrópumenn sem eru hér búsettir. Eins hafa ákveðnir íslenskir múslimar verið með mikið gyðingahatur undanfarið á Facebook og víðar, af alvarlegasta hugsanlega tagi, sumir þeirra innfæddir Íslendingar, og hér búa líka vanheilir innfæddir rasistar sem ekki eru múslimar. Í blaðaviðtölum sem birst hafa í Ísrael kemur fram að íslenskir gyðingar þjást af miklum ótta og reyna flestir að leyna uppruna sínum. Þeir taka fram Dorrit sé undantekning, aðallega tilkomin af því hún er alltaf svo vel tilhöfð og í svo dýrum fötum, en þeir segja Íslendinga talsvert efnishyggjufólk og eiga það til að dæma menn eftir útlitinu. Ekki margir gyðingar hér á landi hafa efni á að dressa sig upp eins og Dorrit og hafa heldur ekki vald til að bera sem hefur þau sálrænu áhrif að fólk reynir að haga sér betur nálægt því, og þess vegna þora mjög fáir að taka þessa áhættu að segjast vera gyðingar. Það eru ekki þessar örfáu ríku gyðingafjölskyldur Evrópu sem verða helst fyrir ofsóknum, heldur fólk af lægri millistétt og millistétt sem býr í venjulegum hverfum við venjulegar aðstæður og það er þannig fólk sem er að flýja Evrópu. Staðan er þannig svipuð og í seinni heimsstyrjöldinni, þegar eingöngu ríkasta fólkið gat komið sér undan, alls ekki þó allir, og þess vegna voru það að óvenjulega stórum hluta fátækari gyðingar sem fluttu til Ísraels á sínum tíma frá Evrópu eftir stríð, sem skírir að sumu leyti ennþá hversu miklu algengari sár fátækt er meðal gyðinga í Ísrael en annarra gyðinga, því peningavit er kynslóðaarfur eins og annað. Stór hluti Ísraelskra barna lifir undir fátækramörkum og landið einkennist af stöðugum ófriði. Samt eru gyðingar Evrópu að flýja þangað, þeir trúlausu ekkert meira en aðrir, og líka þeir sem langar ekkert þangað, afþví þeir telja börnin sín öruggust þar, undir vökulu auga hersins, meðan nágrannaríki okkar neita að veita þeim eðlilega lögregluvernd og Evrópusambandið gerir skammarlega lítið til að laga ástandið. Orð eru ekki nóg, það þarf aðgerðir. Gyðingahatarar eru því bestu stuðningsmenn Ísraelsríkis, því Ísrael auðgast auðvitað á þessum fólksflótta á margan hátt, þó hann sé erfiður efnahagskerfinu. Búddhasöfnuðir eru hér mjög margir. Hindúar fáir og hafa ekki stungið upp á slíku sjálfir. Upplýsingu og skynsemi? Hún getur líka komið frá trúfélögum. Algengasta tegund Gyðingdóms í Evrópu og Bandaríkjunum er sami söfnuður og leyfði fyrstur allra í heiminum samkynhneigð hjónabönd, löngu áður en slíkt var lögleitt af neinum ríkjum eða löndum. Það voru líka Bandarískir gyðingar, og reyndar Quakerar, sem börðust gegn þrælahaldinu þar meira en neinir aðrir og gyðingar Evrópu voru yfirleitt með frjálslyndasta og framfarasinnaðasta og umburðarlyndasta fólki álfunnar. Við erum að flæma margt upplýsasta fólk Evrópu á brott og verðum fátækari fyrir vikið.

[Ististi (IP-tala skráð) 23.1.2015 kl. 08:56]

Ég sagði víst að það hefðu að óvenju stórum hluta fátækari gyðingar flust til Ísraels eftir stríð, og á ég þá ekki við að neinn hafi getað haft með sér fé út útrýmingarbúðunum, allar eignir gyðinga voru gerðar upptækar og gefnar þýskum fyrirtækjum, heldur að þetta var að óvenjulega stóru leyti ekki fólk sem hafði einhvern tíman eignast eða átt mikinn pening og þess vegna getur það heldur ekki kennt börnunum sínum í Ísrael það sem skírir muninn á gyðingunum þar og annars staðar. Gyðingar Evrópu eru að sama skapi mikið fátækari en Bandaríksir gyðingar, sem eru óvenjulega oft í efstu efri-millistétt, og þess vegna er öryggi þeirra og valkostir færri og Ísrael því fjárhagslega raunsærri og öruggari kostur en að taka sig upp og flytja til Bandaríkjanna. Bandaríkin neita líka að veita þessu fólki hæli af mannúðarástæðum, til að halda góðvild EU með að breiða yfir ástandið í þessari álfu. Það hefur verið látið reyna á slíkt áður.

[Ististi (IP-tala skráð) 23.1.2015 kl. 08:58]

Þetta er annars ekki frétt með fjölgun kaþólskra. Það er mikil fjölgun kaþólskra alls staðar í Evrópu út af landflutningum Pólverja og Fillipseyinga og fleiri. Ennþá meiri er hún í Bandaríkjunum vegna fólksflutninga frá Mexíkó og löndunum þar í kring. Ákveðin fylki í Bandaríkjunum verða orðin að meirihluta til bæði kaþólsk og spænskumælandi eftir örfáa áratugi. Kaþólikkum er líka að fjölga mjög mikið í Afríku, en þar eru ástæðurnar trúarlegar.

[Wilhelm Emilsson, 24.1.2015 kl. 06:38]

Takk fyrir innleggin, Ististi.