Demókratar í krísu

Á síðustu dögum hafa líkurnar á því að Joe Biden stígi til hliðar aukist, en eins og Trump segir stundum, Hver veit hvað gerist? Er Kamala Harris betri kostur en Biden? Ég er ekki svo viss um það. Að mínu mati er sú staða sem upp er komin--að ólíkindatól eins og Trump sé líklegri til að vinna--mikill áfellisdómur yfir demókrötum. Líberalar á borð við þáttastjórnandann Bill Maher hafa hamrað á því að ofurwokismi demókrata fæli venjulegt fólk frá flokknum. Ef Trump vinnur kosningarnar í nóvember læra demókratar kannski eitthvað af því--eða ekki. Það er alltaf auðveldara að kenna öllu öðru um en sjálfum sér.

Bjarni: „Hrikaleg mismæli“

Athugasemdir

[Ingólfur Sigurðsson, 19.7.2024 kl. 01:45]

Ekki víst að Kamala Harris sé betri kostur - ef Joe Biden sigrar, lifir 4 ár í viðbót án þess að verða fyrir meiri ellihrörnun. Hann er ágætis kall og maður kann vel við hann að ýmsu leyti, gerir sitt bezta.

Bara Bandaríkjamenn muna eftir því góða sem Trump gerði, lagfærði efnahaginn og ýmislegt þannig, var ekki fyrir stríð og að taka þátt í Elítuspillingunni. Það er erfitt að keppa við þannig eðalforseta, jafnvel þótt hann hafi stóra galla líka.

Auk þess, það tekur tíma fyrir nýjan frambjóðanda Demókrata að tromma upp stemmningu og fá trúverðugleika.

En ég segi ekkert er öruggt. Kannski verður Joe Biden aftur kosinn eða annar Demókrati, við vitum ekki hvað gerist. Þó eru möguleikar Trumps glæsilegir núna, en ekkert er þó víst. Kannski verður honum aftur sýnt tilræði, og það gæti farið á verri veg fyrir hann.

Það er svo langur tími að kosningum að enn getur margt breyzt.

En gleymum ekki því góða sem Trump gerði. Látum ekki hatursmenn hans blinda okkur sýn.

[Wilhelm Emilsson, 19.7.2024 kl. 19:41]

Takk fyrir athugasemdina, Ingólfur. Það er ekkert fast í hendi, eins og þú bendir á.