Loforð

Trump reynir að telja fólki trú um að hann sé vegurinn, sannleikurinn og lífið. Menn muna kannski að hann ætlaði að byggja múr milli Mexíkó og Bandaríkjanna og láta Mexíkó borga fyrir hann. Það var náttúruleg bara lýgi, svo maður vitni í Elvis. Núna lofar Trump alheimsfriði, því hann er fæddur sölumaður og veit að margir, kannski flestir, eru barnslega auðtrúa.

Varðandi orð Selenskís, þá eru þau frekar fáránleg vegna þess að hann er ekki í neinni aðstöðu til að segja hverjum hann vilji vinna með. Hann verður að vinna með þeim sem vilja vinna með honum og ætti að sýna aðeins meira þakklæti fyrir þá aðstoð sem hann hefur fengið til þessa.  

Trump ræddi við Selenskí

Athugasemdir

[Guðmundur Örn Ragnarsson, 20.7.2024 kl. 07:31]

Guð gaf oss djörfung til að tala til yðar fagnaðarerindi Guðs, þótt baráttan væri mikil.

Boðun vor er ekki sprottin af villu né af óhreinum hvötum og vér reynum ekki að blekkja neinn.

En Guð hefur talið oss maklega þess að trúa oss fyrir fagnaðarerindinu.

Því er það, að vér tölum ekki eins og þeir, er þóknast vilja mönnum, heldur Guði, sem rannsakar hjörtu vor. (2. Þess. 2:2-4).

[Guðmundur Örn Ragnarsson, 20.7.2024 kl. 07:50]

Afsakið mistökin, þetta átti að vera 1. Þess. 2:4.

[Helga Dögg Sverrisdóttir (IP-tala skráð) 20.7.2024 kl. 10:20]

Það er mikill munur að hafa forseta við völd sem veit hvað kona er. Þar stendur Trump betur að vígi en Biden sem veit það ekki. Facebook

[Wilhelm Emilsson, 20.7.2024 kl. 21:06]

Takk fyrir athugasemdirnar, Guðmundur Örn og Helga. Guðmundur Örn fær mig alltaf til að glugga í Bíblíuna og skrif Helgu hvetja mig til að kynna mér betur kynjafræðina og pólitíkina í kringum hana. Aðgerðir Biden-stjórnarinnar í kynjamálum er að margra mati eitt af því sem fælir hinn almenna kjósanda frá flokki hans.

[L (IP-tala skráð) 20.7.2024 kl. 23:21]

Í öllu því sem fjölmiðlar ásökuðu Trump um þá fór lítið fyrir fréttum um gjafmildi Trumps á Gólanhæðum.

Ef einhver ástæða er fyrir að kalla íslenska sendiherra heim frá einhverju landi þá ætti það vera frá Bandaríkjunum.

Orðræða Trumps jaðrar við messíasar áráttu eftir bana tilræðið.

Kannski að sami sértrúarsöfnuður standi á bakvið Trump og sá sem stendur bakvið Bíbí í Ísrael?

En sá söfnuður virðist eiga bækistöð á Íslandi.

[L (IP-tala skráð) 21.7.2024 kl. 00:57]

Hin endalausa spurning um hver summan að 1 og 10 væri, gæti kannski falist í leyndarmálum Greenburg Traurig og fyrrverandi sendiherra á Íslandi?

[Wilhelm Emilsson, 21.7.2024 kl. 05:47]

Takk fyrir athugasemdirnar, L. Það var svo mikið í gangi í stjórnartíð Trumps að Gólan-hæðirnar gleymdust tiltölulega fljótt og Biden-stjórnin stóð við ákvörðun Trumps þegar hún tók við.

[L (IP-tala skráð) 26.7.2024 kl. 21:31]

Hvaða stærri málefni voru til umræðu sem skyggðu á þessa fordæmalausu " ákvörðun " Trumps sem forseti Bandaríkjana???

[Wilhelm Emilsson, 26.7.2024 kl. 22:03]

Hæ, L!

Nokkur dæmi: Barátta um landamæramúrinn, viðskiptastríð við Kína, spenna milli Íran og Bandaríkjanna--Trump samþykkti hernaðaraðgerð gegn Íran en dró hana svo til baka--heimsókn Trumps til Norður-Kóreu.

[L (IP-tala skráð) 26.7.2024 kl. 23:11]

Er eitthvað sem þú nefnir sem brýtur gegn alþjóðalögum?

[Wilhelm Emilsson, 27.7.2024 kl. 01:43]

Við vorum bara að tala um hvað var í gangi á þessum tíma.