Ekkert bóluefni

COVID var faraldur sem er að mestu búinn. Spjaldtölvu- og snjallsíma-faraldurinn er rétt að byrja. Og það er ekkert bóluefni. Góða skemmtun!

Ný rannsókn: Skjátími barna hefur afleiðingar

Um "menningarnám"

Í greininni stendur:

Felur í sér menningarnám

Brynja Pét­urs­dótt­ir er einn sá Íslend­ing­ur sem þekk­ir hvað best til hip hop-menn­ing­ar­inn­ar sem breik fell­ur und­ir. Hún hef­ur rekið Dans Brynju Pét­urs, þar sem kennd­ir eru hip hop-stíl­ar, í 20 ár og dvel­ur mjög reglu­lega í New York, heima­borg breiks­ins, þar sem hún á í miklu sam­tali við frum­kvöðla og áhrifa­valda inn­an sen­unn­ar.

Á dög­un­um birti hún mynd­band á TikT­ok þar sem hún gagn­rýndi fram­göngu Rayg­un og færði rök fyr­ir því að hún fæli í raun í sér menn­ing­ar­nám, það er arðrán á þátt­um úr menn­ingu und­irokaðra hópa.

Ef við tökum hugmyndina um "menningarnám" alvarlega þá segir það sig sjálft að Brynja Pétursdóttir er sjálf að fremja "menningarnám" með því að kenna hip-hop stíla. Hugmyndin um "menningarnám" er mjög vafasöm, svo ekki sé meira sagt, en ef fólk tileinkar sér hana, eins og Brynja gerir greinilega, þá er lágmark að það sé sjálfu sér samkvæmt. 

 

Ástralski breikdansarinn skaðar menninguna

Hugleyðing um edrúmennsku og "skaðaminnkun"

Er það bara ég eða eru þessar endalausu fréttir af edrúmennsku orðnar svolítið þreytandi? Er það virkilega frétt að einhver manneskja, sem maður hefur aldrei heyrt um, hafi hangið þurr í nokkur ár? Ég væri frekar til í að lesa frétt um einhvern sem missti gjörsamlega tökin á edrúmennskunni.

En núna þegar "skaðaminnkun" virðist vera orðin opinber hugmyndafræði heilbrigðisyfirvalda þá má maður kannski búast við því að fólk hætti að hætta að drekka, en haldi þess í stað áfram að djúsa til að "fyrirbyggja þann skaða og þá áhættu sem hljótast af notkun vímuefna fremur en að fyrirbyggja notkunina sjálfa," svo ég leyfi mér að vitna í vefsíðu Rauða krossins ("Frú Ragnheiður: Skaðaminnkun"). Áfengissjúkt fólk má sennilega fara að hlakka til þess að því sé veitt þjónusta í "nærumhverfi einstaklinga" af "heilbrigðismenntuðum aðila". Er það ekki rökrétt framhald "skaðaminnkunnar"? Þá verða kannski allir rosalega glaðir!

Uppspretta lekans

Samkvæmt fréttum voru tölvupóstsreikningar hins illræmda stuðningsmanns Trumps, Rogers Stone, hakkaðir. Það er gæinn sem er með mynd af Richard Nixon tattóveraða á bakið á sér.

Gagnaleki úr herbúðum Trumps

Musk og Trump spjalla

Jæja, þá eru Musk og Trump búnir að spjalla saman. Musk þurfti að fresta samræðunum--hann kaus að nota það orð frekar en "viðtal"--vegna tæknilegra erfiðleika eða tölvuárásar. Það er víst ekki á hreinu hver ástæðan var. Hlustendur voru 1,324,994 þegar mest var. Það sem ég heyrði af spjallinu var frekar rólegt og vinsamlegt. Musk er ekkert sérstaklega líflegur í samræðum en hann lítur á Trump sem bandamann í baráttu sinni við það sem Musk kallar "woke hugsana-vírusinn" og Trump hlýtur að vera ánægður með það að Musk styður hann. Trump er yfirleitt skemmtilegastur þegar hann er að rífast við fólk, þannig að þar sem því var ekki til að dreifa í þetta sinn var samtalið frekar orkulítið að mínu mati. Fólk eins og ég vill drama!  

Trump rýfur þögnina á X

Ferðalög

Erpur, já. Hann er mikill sósíalisti að eigin sögn. Væri ekki við hæfi að hann leiði hóp íslenskra vinstrimanna til að skoða dýrðina í Venesúela hjá félaga Maduro? Og hvað með Norður-Kóreu? Litli Kim ku vera mjög gestrisinn.

Býður ferðir til landa sem aðrir forðast

Skipulag eða kaos?

Annað hvort er Ísland með skynsamlegt kerfi í innflytjendamálum, eins og önnur sambærileg lönd, sem það fylgir eða ekki. Að vera með kerfi en fylgja því stundum og stundum ekki gengur ekki. Segir þetta sig ekki sjálft? Innflytjendamál á Íslandi eru eins og fótboltaleikur þar sem leikmenn og áhorfendur eru sífellt að stöðva leikinn til að mótmæla og deila við dómarann. Afraksturinn er endalaus óreiða, óreiða sem er engum til bóta.

Reynslan af sérreglum almennt ekki góð

Gleðigöngur og stuðningsfólk Palestínu

Erlendis gerist það nú oftar og oftar að stuðningsfólk Palestínu stöðvar göngur hinseginfólks nema það samþykki kröfur stuðningsfólks Palestínu um aðgerðir gegn Ísrael. Skyldi þetta gerast á Íslandi?

Lokað fyrir umferð víðsvegar í miðbænum á morgun

Ballaðan um Donald og Kamölu

Þetta er spennandi og eins og maður var að vona. Trump sagði að hann myndi ekki mæta Kamölu Harris í kappræðum 10. september á ABC nema hún samþykkti að mæta á Fox News 4. september. En hér gaf hann eftir--en er sjálfum sér samkvæmur að því leyti að hann trúir því að það sé hægt að semja um allt (The Art of the Deal)--því hún hefur ekki enn samþykkt að mæta á Fox News. Sennilega samþykkir Kamala að mæta Trump á NBC 25. september. Það ríkir meiri óvissa um hvort hún mæti honum á Fox News 4. september. Það getur líka svo sem vel verið að það verði meira drama í kringum þetta.

Þess má geta að Trump ruglaði saman dögum þegar hann ræddi um þetta opinberlega, eins og fram kemur í frétt á CNN:

“I think it’s very important to have debates, and we’ve agreed with Fox on a date of September 4. We’ve agreed with NBC. Fairly full agreement subject to them on September 10 [röng dagsetning fyrir NBC kappræðurnar]. And we’ve agreed with ABC on September 25 [röng dagsetning fyrir ABC kappræðurnar],” the former president said.

A senior Trump adviser and an ABC source familiar with the matter both said that the correct dates Trump has agreed to with networks are: September 4 with Fox News, September 10 with ABC and September 25 with NBC.

Enginn er fullkominn. Ekki einu sinni Trump. 

 

Hefur samþykkt að mæta Harris þrisvar sinnum

Að viðhalda skaða

Einu sinni hjálpaði Rauði krossinn fólki. Núna hjálpar Rauði krossinn fólki að viðhalda lífshættulegri áhættuhegðun og Ríkið spilar með. Opnið augun! Hjálpið fólki að hætta að nota fíkniefni í stað þess að hjálpa því að eyðileggja líf sitt og annarra.

Nýtt neyslurými opnað í Borgartúni