The plot thickens . . .

Skýringar Hannesar Hólmsteins á bankahruninu verða skemmtilegri með hverju árinu sem líður. 

MI5 rannsakaði íslensku bankana

Hinir hæfustu lifa af, eða þannig

Jú, jú, hinir hæfustu lifa af og allt það, en mér þykir ólíklegt að þetta lag lifi af. Þetta er voðalega máttlaust eitthvað.

Eminem er kominn fram yfir síðasta söludag, kominn yfir fertugt og þar með formlega orðinn ríkur, reiður, hvítur karlmaður, sem er ekki mjög sannfærandi ímynd fyrir rappara. Lagið nær kannski einhverjum vinsældum meðal miðaldra repúblikana sem spila tölvuleiki.

Tónlistarbransinn er harður heimur, eins og Hunter S. Thompson benti á: 

Tónlistarbransinn er grimmur og grunnur peningaskurður, langur plastgangur þar sem þjófar og melludólgar vaða uppi og góðir menn deyja eins og hundar. Hann hefur líka neikvæða hlið.

Það er bara þannig.

 

 

Nýtt myndband frá Eminem

Omedetou !!/ Til hamingju!

Til hamingju með þetta. Mér finnst lagið "Move on Fast" flott og gott dæmi um kraftinn sem býr í Yoko Ono, eða Ono Yoko, eins og sagt er á japönsku. 

 

Bury your past

And move on fast

Nothing's gonna last

 

http://www.youtube.com/watch?v=wUcUaPlUzFs

Ono heiðursborgari Reykjavíkur

Strax er ekki strax

Þegar ég las þetta og umsögn heimspekingsins um "teygjanleika" orðsins "strax" verð ég að játa að mér datt George Orwell í hug. Ég mæli með klassískri grein hans "Politics and the English Language." Þar skrifar hann meðal annars: "In our time, political speech and writing are largely the defence of the indefensible."

Svo muna kannski sumir eftir skáldsögu Orwells 1984 og slagorða Flokksins:

STRÍÐ ER FRIÐUR

FRELSI ER ÁNAUÐ

FÁVISKA ER STYRKUR 

„Strax“ getur verið teygjanlegt hugtak

Gests auga

Núna kemur flestum saman um að ein af örsökum bankahrunsins var sú að flestir Íslendingar voru ekki reiðubúnir að hlusta á það sem umheimurinn hafði að segja um efnahagsástandið í landinu. 

Núna gefst annað tækifæri til að sjá hlutina úr svolítilli fjarlægð og kannski hlusta. Höfundur greinarinnar í The Guardian skrifar: 

[Sigmundur Davíð] Gunnlaugsson's rise to power shocked some observers outside Iceland, who thought the electorate might give their backing to the Left-Green-led coalition that had taken power after the banking crash and steered the country through the strictures of an International Monetary Fund programme, and back to growth.

Instead, the Left-Greens suffered the heaviest defeat in Icelandic history after an election campaign dominated not by economic achievements but by the fallout from the Icesave saga.

Bouncing back into office came a coalition of the two rightwing parties – the Independence Party and Gunnlaugsson's Progressive party – that had been in charge for much of Iceland's discredited boom years between 2003 and 2008. "The old rascals are back," laughs Geir Haarde, former Independence Party leader and prime minister at the time of the crash.

Látum The Who hafa lokaorðið:

I'll tip my hat to the new consitution

Take a bow for the new revolution 

Smile and grin at the changes all around me

. . .

Then I'll get on my knees and pray

We won't get fooled again

Don't get fooled again 

 

 

 

„Ísland rís upp úr öskustó hrunsins“

Frábær smásaga

Smásagan "The Secret Life of Walter Mitty" eftir James Thurber er frábær. Hún er stutt en ótrúlega hnitmiðuð. Sagan er um geðþekkan lúser. Ben Stiller sérhæfir sig í því að leika geðþekka lúsera, eins og til dæmis í Zoolander og Tropic Thunder, þannig að myndin lofar góðu. Við sjáum hvað setur.

Íslandsævintýri Bens Stillers frumsýnt

Kapítalismi sem virkar

Alltaf gaman að koma í Fjarðarkaup. Engir stælar, engin óþarfa þensla, ekkert hrun. Núna þegar fimm ár eru liðin frá bankahruninu og sagnfræðingar og aðrir eru að velta því fyrir sér hvað, eða hvort, Íslendingar hafa lært af hruninu, má ýmislegt læra af þeim viðskiptaháttum sem eigendur Fjarðarkaupa stunda. Þetta er kapítalismi sem virkar.

Góður andi í Fjarðarkaupum

Málfrelsi--þangað til það hentar mér ekki lengur

Sinead O'Connor messar yfir Miley Cyrus og kallar hana vændiskonu af því að hún hegðar sér ekki eins og Sinead finnst hún eigi að hegða sér. "Þinn líkami er fyrir þig og kærastann þinn," segir O'Connor. Miley ræður sem sagt ekki yfir eigin líkama. Ekki beinlínis femínskt viðhorf, eða hvað? Miley svarar fyrir sig og hvað gerist? Sinead hótar lögsókn. Eitthvað svo dæmigert fyrir orðræðuna í dag. 

 

 

Allt að verða vitlaust í Hollywood

Til hamingju . . .

Svo var Pútín líka 17 ár í KGB. Hann á skilið á fá friðarverðlaun Nóbels fyrir það, að sjálfsögðu.

Pútín tilnefndur til friðarverðlauna Nóbels

Framhaldssagan: Áttundi kapítuli

  Síðustu tónar “Love Removal Machine” dóu út í rykmettaðri stofunni.

            “Heyrðu, Hökki, hvað er í gangi með þessar konur sem leigja hjá þér?” sagði Sveinki svín.

            “Hvað er í gangi hvað?” svaraði Hökki hundur.

            “Þú veist alveg hvað ég er að tala um.”

            “Nei.”

            “Við getum gert þettta ðe hard vei, eða ðe ísí vei.”

            “Ertu að hóta mér ofbeldi.”

            “Ég er meira svona að lofa þér því, nema þú komir klín.”’

            “Ókei, fyrst þú biður svona fallega, “ sagði Hökki og tók sígarettu úr sígarettuveski úr silfri, kveikti í henni og fékk sér smók. “Þrjár konur sem hafa leigt hjá mér hafa sakað mig um kynferðislega áreitni.”

            “Ég verð að játa að þetta kom mér á óvart. Þú ert náttúrulega skepna, en einhvern veginn átti ég ekki von á þessu.”

            “Nei, ekki ég heldur.”

            “Hvað áttu við.”

            “Fyrst verið er að ljúga upp á mig sökum, hefði ég haldið að einhverju öðru en þessu væri logið upp á mig. Svo væri líka hægt að segja bara sannleikann. Ég meina það er af nógu að taka.”

            “Æi, Hökki, reyndu ekki að þræta. Það er svo rosalega klisjukennt. Auðvitað ertu sekur.”

            “Það er svolítið sem þú veist ekki um mig.”

            “Ég veit allt um þig. Ég þekki þig og þitt fólk.”

            “Nákvæmlega. Þú mannst eftir Stulla frænda.”

            Sveinki svín svaraði ekki.

            “Jebb,” sagði Hökki.

            Sveinki var enn orðlaus.

            “Þú ert nú frekar lélegur rannsóknarlögreglumaður verð ég að segja. Komm onn, var þetta ekki obvíus? Kínverskur silkisloppur, rándýrir leðurinniskór, og sígarettur með gylltum fílter.”

            “Ég hélt bara að þú værir svona mikill Oscar Wilde aðdáandi.”

            “Sem var annað risaklú.”

            “Ekki endilega. Ég hélt bara að þú værir svona flókinn persónuleiki.”

            “Ég er það auðvitað. En alla vega, ef ég hefði verið að áreyta einhvern kynferðislega þá myndi ég frekar hafa leitað á Tinna eða Prins Valíant. Það hef ég reyndar aldrei gert og ætla mér ekki að gera úr þessu. Ef þú trúir mér ekki geturðu spurt þá sjálfur.”

            “Leigja þeir hjá þér?”

            “Já, þeir voru í húsnæðishraki. Það er djöfulli erfitt að fá leigt í þessari borg. Langar þig að hitta þá?”