Til umhugsunar

Hvernig væri að hjálpa fólki að hætta að nota lífshættuleg fíkniefni í stað þess að auðvelda því að viðhalda fíkninni? Hvernig væri að íhuga það að þegar kemur að banvænum fíkniefnum er hin svokallaða skaðaminnkandi nálgun í raun skaðahvetjandi. Ef við viljum fara varlega er ekki best að gera allt sem við getum til að stöðva áhættuhegðun í stað þess að viðhalda henni?

Gæti bjargað mannslífum

Eðlukóngurinn og stjörnuspekin

Hér talar Jim Morrison, Eðlukóngurinn sjálfur, um stjörnuspeki og gefur góð ráð:

https://youtu.be/YSlXjrxqDOE

Gefa út viðvörun vegna tunglstöðu helgarinnar

Um loforð

Í greininni stendur:

Hef­ur Trump látið hafa eft­ir sér að und­an­förnu að hann sýni stríðsbrölti Rússa skiln­ing og að hann gæti endað stríðið á 24 klukku­stund­um með ein­föld­um samn­ingaviðræðum.

Trump hefur lofað ansi mörgu í gegnum tíðina. Hann lofaði til dæmis að byggja múr milli Bandaríkjanna og Mexíkó og láta Mexíkó borga fyrir hann. Hann stóð ekki við það.

“Það er bláköld pólitísk staðreynd að Trump er tapari. Hann varð þess valdandi að við [repúblikanar] töpuðum kosningunum 2018, hann tapaði kosningunum 2020, hann er ástæðan fyrir því að við töpuðum kosningunum 2022 og hann mun tapa kosningunum 2024.” Þetta segir John Bolton, sem Trump skipaði Þjóðaröryggismálaráðgjafa Bandaríkjanna og rak svo eins og hans er von og vísa. Trump kallaði Bolton fávita eftir að hann rak hann að sjálfsögðu. En ef Trump er svona klár af hverju ræður hann svona marga fávita sem hann þarf svo að reka? Trump hefur auðvitað skýringu á því. Hann er bara að nota þá á meðan það hentar honum. Trump er jú að eigin sögn mjög stabíll snillingur.

Búa sig undir að Trump snúi aftur

Lög og regla

Það hefði komið mér mjög á óvart ef Ed Sheeran hefði tapað þessu máli, eins og ég hef talað um áður. Það hefði átt að vísa málinu frá strax að mínu mati. Það væri alveg eins hægt að lögsækja rithöfunda fyrir að nota stafrófið eða klassísk sagnaminni.

Sheeran siglir sigrinum heim

Kurt Cobain

Kurt Cobain var flinkur og sjarmerandi, en þunglyndi, frægð, heróín og byssur er ekki góð blanda. 

Brotinn gítar boðinn upp

Fórnarlamb Disney

Þetta er alveg rétt. Ég las til dæmis mikið af Andrés-blöðum þegar ég var barn. Þetta hafði þau áhrif að í dag klæðist ég jakka en engum buxum. Þetta hefur haft mjög neikvæð áhrif á líf mitt. Ég krefst þess að ríkisstjórnin geri eitthvað í málinu. Ég krefst þess líka að fá bætur.

Neikvæð áhrif Disney-kvikmynda

Fræðsla og refsing

Í greininni stendur:

Dæmi eru um það að nán­ast full­vax­in börn beiti full­orðið fólk of­beldi, til að mynda starfs­fólk skóla og fé­lags­miðstöðva. Ragný seg­ir að slík dæmi geti orðið þegar ein­stak­ling­ar fái ekki næga aðstoð á upp­eld­is­ár­un­um.

Í greininni stendur einnig:

Þingmaður lét þau orð falla í ræðustól Alþing­is í síðustu viku að þörf væri á ákveðnum aga og skiln­ingi á því hvað megi og hvað megi ekki í ljósi fjölg­un of­beld­is­glæpa. Ragný [lektor hjá HÍ og fag­leg­ur stjórn­andi Íslensku æsku­lýðsrann­sókn­ar­inn­ar sem Menntavís­inda­stofn­un fram­kvæm­ir á veg­um mennta- og barna­málaráðuneyt­is­ins] seg­ir að lausn­in sé fræðsla, frem­ur en refs­ing.

Ef fólk sem hefur völd trúir því að refsing og agi séu tabú þá er ekkert skrítið að ástandið verði enn verra. Fræðsla, ein og sér, er ekki nóg, því miður.

Ofbeldið verði hversdagslegt og eðlilegt

Fegurð og íslenskt mál

Ég vil ekki vera með leiðindi, en það hlýtur að vera hægt að þýða "Beauty is owning who you are" betur en „Feg­urð þýðir að eiga það hver þú ert.“ Hér er tillaga: Fegurð er að vera sáttur við sjálfan sig.

52 ára og geislar sem forsíðustúlka

Lenín og Lada

Lenín lenti á ruslahaugi sögunnar, svo maður noti orðalag Trotskís, en Lada bílar eru ennþá í framleiðslu. Það sýnir okkur kannski að neysluhyggjan, verslun og viðskipti, kapítalisminn eru lífseigari en helstefna vinstri öfgamanna.

Byltingin er dauð--nema kannski í hugum sófa- og kampavínskomma og hægri öfgamanna á borð við Steve Bannon (Sloppy Steve, eins og Trump kallaði hann)--en einkabíllinn lifir . . . ennþá.

Látum ekki grænu varðliðana taka hann af okkur! 

Meira um samsæri

Margir, kannski flestir, telja að trú á samæriskenningar hafi aukist. Samkvæmt nýjustu rannsóknum er þetta ekki rétt. Það ber bara meira á þeim vegna samfélagsmiðla: 

If it is hard to change entrenched conspiracy beliefs, the silver lining is that it is also hard to make people believe in conspiracies, contrary to popular conception, [Joseph] Uscinski[stjórnmálafræðingur við Miami háilskólann] says. In 2022 he and his colleagues published research in PLOS ONE that found no evidence that conspiracy beliefs are growing,despite their visibility on social media.

Þessu greinir Scientific American frá 5. apríl síðastliðinn. . . . En fyrir þá sem vilja ekki trúa þessu þá er þetta einmitt það sem ÞEIR vilja að við trúum!