Miðflokksklárinn

Miðflokksklárinn prjónar kröftuglega, en verður hann Gamli Sorrí Gráni eftir næstu kosningar? Skoðanakannanir gefa það til kynna. Flokkurinn mælist nú með 6.1% fylgi. Hann fékk 10.9% í kosningunum 2017.

Kosið verði aftur í þingnefndir

Látalæti

Roger Stone var að gefa út bók um Trump í dag, sem er sennilega ástæðan fyrir þessum látalátum í honum. Ágætis auglýsing.

Stone fyrir dómara vegna Instagram-færslu

Það er orðið "brjálaður"

Mér finnst eins og Gunnar Bragi Sveinsson eigi orðið "brjálaður" eftir að hann sagði, "Ég er að verða brjálaður!" á Klaustur Bar. En kannski er það bara ég sem er brjálaður.

Ég var brjálaður

Hinn eini sanni

Freddie Mercury: Hinn eini sanni.

 

Queen sló í gegn

Áramót

Ég er ekki frá því að áramótaávarp Katrínar Jakobsdóttur sé mun betra fararnesti fyrir nýtt ár en Áramótaskaupið. 

„Getum öll lagt okkar af mörkum“

Veldi vasanna

Feðraveldið í öllu sínu veldi. Þetta þarf auðvitað að banna.

Typpavasabuxurnar það flottasta í sumar?

Ungur ég var

Cox?* Í alvöru? Svona fréttir voru ekki í Morgunblaðinu þegar ég var ungur :-)

----------------------

* Borið fram "cocks". 

 

Bestu staðirnir fyrir útikynlíf

Haraldur óhreini

Í Dirty Harry myndunum var Inspector Harry Callaghan (Clint Eastwood) alltaf skammaður af andfúla yfirmanni sínum ef hann olli eignaspjöllum. Er það sama uppi á teningnum í Borg óttans?

4 lögreglubílar skemmdir eftir eftirför

Úti í eyjum

Eyjamenn eru alltaf svolítið dramatískir, enda hefst saga heimkynna þeirra á því að Ingólfur Arnarson hefnir sín grimmilega á írsku þrælunum sem drápu fóstbróður hans, Hjörleif.  Hjörleifur hafði sagt þrælunum að vinna að akuryrju en þeir "voru þess ófúsir" og ákváðu að drepa hann og menn hans og flýja með konur þeirra út í eyjar. 

Hér er lýsing Jónasar frá Hriflu á því sem gerðist næst. Ingólfur mælti:

"Lítið lagðist hér fyrir góðan dreng, er þrælar skildu að bana verða, og sé eg svo hverjum verða, er eigi vill blóta." . . . Heldur hann nú með nokkra menn sjóleiðis vestur á bóginn, og finnur þrælana í eyjunum. Þeir urðu hræddir, er þeir urðu Ingólfs varir, enda beið þeirra bráður bani. Sumir féllu fyrir Ingólfi, en aðrir hlupu fram af háum hömrum og týndust þannig. Ingólfur gaf eyjunum heiti, það er þær hafa síðan, og nefndi þær Vestmanneyjar, því að Norðmenn kölluðu Írlendinga Vestmenn.

Menn voru ekkert að tvínóna við hlutina í gamla daga.

 

Páli vikið úr fulltrúaráðinu í Eyjum

Lif og lífsspeki

Við ættum að hlusta á þessar ráðleggingar Önnu Sigfúsdóttur.

Í Kanada var kona sem hafði náð hundrað ára aldri spurð hvert leyndarmálið að langlífi væri. Hún svaraði að bragði: "Skiptu þér ekki af því sem þér kemur ekki við", sem var bæði nett skot á hnýsna blaðamanninn og svar við spurningu hans.

Mikilvægt að æsa sig ekki um of