Chris Squire

Sorglegt. Chris Squire var frábær bassaleikari. 

Bassaleikari hljómsveitarinnar Yes látinn

Vináttuprófið

Besta leiðin til að láta reyna á vináttu tveggja einstaklinga er að hefja ástarsamband. Ef vináttan lifir það af er hún sönn og mun haldast jafnvel þótt sambandinu ljúki. 

Sambandsslitin voru dramatísk

Tragedy

Egill Ólafur Thorarensen, A.K.A. Egill Tiny, lýsir sinni hlið á Stóra Bam Margera málinu í nýlegum Harmageddon þætti. Þar talar hann um að með Bam Margera hafi verið "einhverjir svona tveir aðrir gaurar sem líta út fyrir að vera einhverjir svona dauðir sjóræningjar úr Pirates of the Carribean". Deilur þessara aðila enduðu með handalögmálum eins og flestir vita. Egill Tiny segir að Bam Margera hafa hrækt framan í sig og skallað sig áður en Egill kýldi hann. Egill heldur því fram að til sé upptaka af þessu, sem Bam Margera vilji ekki sýna. En hvað um það, annar þessara "dauðu sjóræningja" er að öllum líkindum Andy McCoy, sem spilar í hljómsveit Bams, Earth Rocker.

Hver er Andy McCoy? Andy McCoy var skírður Antti Huikko, og var í hinni stórskemmtilegu finnsku glam pönk hljómsveit Hanoi Rocks. Antti (Andy) Huikko (McCoy), skiluru.

Helsta fyrirmynd finnska rokkarans er Keith Richards, sem Johnny Depp notaði sem fyrirmynd af Jack Sparrow í Pirates of the Caribbean. Þó að Egill Tiny hafi ekki þekkt Andy McCoy, þá þekkti hann lúkkið. Svona fer allt í hring í heimi skemmtanaiðnaðarins.

Hér er Andy McCoy eins og hann leit út fyrir nokkrum árum.

 

 

 

 

 

 

 

 

 

 

 

 

 

 

Hér er Keith Richards eins og hann leit út á áttunda áratugnum.

 

 

 

 

 

 

 

 

Líkt og Keith Richards hefur Andy McCoy gengist svolítið fyrir, eins og amma mín, sem var frá Grundarfirði, sagði stundum, síðan myndin var tekin af honum. Núna er hann líkari dauðum sjóræningja, eða Keith Richards eins og hann lítur út í dag, en Jack Sparrow.

 

 

 

 

 

 

 

 

 

 

 

 

 

 

 

 

Hér er mynd af McCoy með hljómsveitinni Earth Rocker. Myndin er tekin á Íslandi þegar sveitin spilaði á Secret Solstice. Andy McCoy er gæinn með glasið. Annar hvor hinna hljómsveitarmeðlimanna er sennilega hinn "dauði sjóræninginn".

 

 

 

 

 

 

 

 

 

Til samanburðar er hér mynd af Keith Richards og Johnny Depp úr Pirates of the Caribbean.

 

 

 

 

 

 

 

Að lokum er hér lag með Hanoi Rocks, "Tragedy." Ó, kona Bam Margera heitir ekki Nicole Boys eins og stendur í greininni. Hún heitir Nicole Boyd.

 

 

„Payback is a bitch!“

Leiðindi

Er möguleiki að fólk sé orðið leitt á Sigmundi Davíð Gunnlaugssyni og Framsóknarflokknum? Hann mælist með 10% fylgi í síðustu könnun MMR.

Heimild: http://www.mmr.is/frettir/birtar-nieurstoeeur/478-hreyfing-a-fylgi-flokka-i-juni-innan-vikmarka

Sigmundur: Fólk orðið leitt á leiðindum

Brauð og vodka

Vladímir Lenín lofaði friði, landi og brauði. Rómversku keisararnir lofuðu brauði og leikum. Reuters kallar efnahagsstefnu Vladímirs Pútíns brauð og vodka.

Rússar framlengja refsiaðgerðir

Hið svokallaða hrun

Hannes Hólmsteinn Gissurarson segir um bankahrunið á Íslandi: "Hér var traust hagkerfi." Það var og. Öll þessi paník á sínum tíma var greinilega bara einhver misskilningur. 

Ósanngjarnar kröfur Grikkja?

Til fyrirmyndar?

Er menn búnir strax búnir að gleyma Bam Margera? Ég vitna í Vísi:

Vísir greindi um liðna helgi frá átökunum á hátíðinni en þar var Margera laminn nokkrum sinnum í höfuðið meðal annars af rapparanum Gísla Pálma en tónlistarmaðurinn og einn af skipuleggjendum Secret Solstice, Egill Ólafur Thorarensen, var einnig í miðju átakanna.

Margera yfirgaf landið fyrr í dag og skildi eftir þessi skilaboð til umboðsmannsins Leon Hill sem Margera vill meina að sé í skuld við sig. Segir hann Leon bera alfarið ábyrgð á þeim átökum sem áttu sér stað. „Ég þekki enga af þessum íslensku röppurum. Þú lést þá berja mig og þú ert í djúpum skít.“

Heimild: http://www.visir.is/bam-nennti-ekki-ad-kaera-og-sendi-iskaldar-kvedjur-til-leon-hill/article/2015150629728

Hljómsveit Bams, Earth Rocker, spilaði á hátíðinni. Er það til fyrirmyndar þegar skipuleggjendur hátíðar og þeir sem koma þar fram útkljá ágreiningsmál sín með handalögmálum? 

 

Gríðarlegur hávaði en gekk vel

Grikkir

Grikkir þurfa neyðarlán til að borga af neyðarlánum. Ef samningar nást ekki í dag er enn tæknilega séð vika til stefnu þangað til allt fer í hass. Grikkir gefa sennilega nægilega mikið eftir að lokum til að þeir geti hangið í Evrópusambandinu. Þeir eiga ekki í mörg hús að venda og virðast gjörsamlega ófærir um að standa á eigin fótum. Evrópusambandið þarf að gefa eitthvað eftir. Ef Grikir eru neyddir til að yfirgefa sambandið byrjar það að liðast í sundur og þeir sem halda um budduna vilja ekki að það gerist, að minnsta kosti ekki núna. Peningar eiga sér ekkert föðurland. 

„Erfiður dagur framundan“

Ha ha

Frúin, sem er gift vara-forsætisráðherra Ísraels, skrifaði einnig á twitter: "Ég biðst afsökunar ef ég móðgaði einhvern. Ég vona að ég haldi áfram að vera gift þegar flugvél eiginmanns míns lendir og hann fréttir hvað ég hef hef gert." 

Það er betra að hugsa áður en maður talar eða skrifar.

 

 

Baðst afsökunar á brandara um Obama

Ísl-enska

"Síðan fara hins veg­ar hansk­arn­ir af." Þetta hljómar eins á hráþýðing á "the gloves are off". Myndi nokkur segja þetta á íslensku? "Síðan fara hins vegar hanskarnir af." Eða er stór hópur fólks kannski hættur að hugsa á íslensku og farinn að hugsa í ísl-ensku? Spyr sá sem ekki veit.

„Við biðjum ekki um ókeypis iPhone“