Lenín og Lada

Lenín lenti á ruslahaugi sögunnar, svo maður noti orðalag Trotskís, en Lada bílar eru ennþá í framleiðslu. Það sýnir okkur kannski að neysluhyggjan, verslun og viðskipti, kapítalisminn eru lífseigari en helstefna vinstri öfgamanna.

Byltingin er dauð--nema kannski í hugum sófa- og kampavínskomma og hægri öfgamanna á borð við Steve Bannon (Sloppy Steve, eins og Trump kallaði hann)--en einkabíllinn lifir . . . ennþá.

Látum ekki grænu varðliðana taka hann af okkur! 

Athugasemdir

[G. Tómas Gunnarsson, 30.4.2023 kl. 22:12]

Þakka þér fyrir þennan pistil.  Ladan er um margt merkileg, uppruni hennar er á Ítalíu, en þótti oft á tíðum nokkuð stöðutákn í Sovétríkjunum.

Þannig var til dæmis um mann sem ég þekkti (nú látinn) sem bjó í Sovétríkjunum og ólst þar upp.  Hann náði að klifra metorðastígann all hátt, þó hann næði hvergi nærri toppnum.  En þótt að hann fengi einungis Lödu til umráða, þá fékk hann Lödu með einkabílstjóra og hægt var að draga gluggatjöld fyrir afturgluggana.

Þannig að Lada gat líka verið stöðutákn.  En til að fá slíkar vegtyllur varð auðvítað að "trúa" á Lenín. 

[Wilhelm Emilsson, 1.5.2023 kl. 01:45]

Takk, Tómas! Sagan um Löduna og manninn í Sovétríkjunum er mjög góð viðbót!