Það sem byssumaðurinn sagði

Byssumaðurinn hrópaði: „Allah er mikill!" Einhverra hluta vegna minnast þær fréttir sem ég hef séð hingað til ekki á það. Hann sagði einnig, eins og fram kemur í fréttum: „Við deyjum í Aleppo. Þú deyrð hér."

UPPFÆRT: Nú sé ég að Daily Mail tekur fram að byssumaðurinn, sem var lögreglumaður, hafi sagt: „Allah er mikill!"

 

Sendiherra Rússa skotinn í Tyrklandi

Gæðastjórnun Pútíns

Hér er Pútín í ham. Hann er nú helvíti töff, karlinn. Trump mætti taka sér hann til fyrirmyndar þegar kemur að því að vernda föðurland sitt. Það er aðeins meiri töggur í Obama en Trump. 

 

Hóta Rússum

Áróður

Sorrí, að mínu mati er Trump óhæfur til að gegna embætti forseta Bandaríkjanna, en þetta væmna myndband--hve oft hefur maður heyrt þetta píanóstef í auglýsingum?--gerir illt verra. Þetta er klígjukenndur áróður af verstu sort.

Biðla til kjörmanna

Gæðastjórnun Svarthöfða

Hér er skilgreining á gæðastjórnun frá Samtökum iðnaðarins:

Gæðastjórnun að að kalla fram öguð vinnubrögð þar sem stjórnendur og starfsmenn horfa með fyrirhyggju til lengri tíma í stað þess að eyða kröftum sínum í að vinna úr málum sem komin eru í óefni vegna lítils og lélegs undirbúnings.

Og hér er dæmi um gæðastjórnun Svarthöfða. Ég geri fastlega ráð fyrir því að þetta sé skyldunámsefni á öllum gæðastjórnarnámskeiðum.

 

Spennan magnast fyrir Stjörnustríði

Búðarhnupl

Hvers vegna stelur fólk úr búðum? Þetta hefur verið rannsakað eins og margt annað. Einn af hverjum ellefu stela úr búðum, samkvæmt upplýsingum frá Bandaríkjunum, og 85% af þeim sem stela eru ánetjaðir búðarhnupli. 

Stolið úr langflestum verslunum

Trump enn og aftur

Trump hvatti Rússa til að gera tölvuárásir á Hillary Clinton. Það eitt er nóg til að sýna að appelsínuguli maðurinn er föðurlandssvikari.

„Þessar upplýsingar eru rangar“

Bless Hollande

Sennilega skynsamleg ákvörðun hjá Hollande. Hann virðist skorta þá þrautseygju, hörku og baráttugleði sem farsæll leiðtogi þarf að búa yfir.

 

Hollande sækist ekki eftir endurkjöri