Krafan um endalausan stuðning

Í greininni stendur: Jóna Flosadóttir "seg­ir stjórn­völd ekki hafa komið Fjöl­skyldu­hjálp­inni til aðstoðar við erfiðar aðstæður. Hún sé reiðubú­in að halda áfram ef stjórn­völd eru reiðubú­in að leggja sitt af mörk­um til stuðnings við bág­stadda hér á landi". Hún talar eins og það sé ekki rándýrt velferðarkerfi í landinu. Hvers vegna í ósköðunum á ríkið, sem er fjármagað af skattborgurum, að styðja hinn ört vaxandi hóp af félögum og samtökum í landinu? Stofnið endilega góðgerðasamtök, trúfélög, íþróttafélög, lífskoðunarfélög o.s.frv. en þau eiga að vera á ábyrgð þeirra sem reka þau og þeirra sem vilja styðja þau með frjálsum framlögum, ekki skattborgara. Skattborgarar allra landa sameinist og segið nei við þessu rugli!

Fjölskylduhjálp Íslands að leggja upp laupana

Barbie

Ég sá Barbie. Hún var skemmtilega póstmódernísk fyrir hlé en eftir hlé breyttist myndin í gamaldags forréttindafemínista áróður. Ég sofnaði næstum því þegar lagið "Im Just Ken" var flutt.

Gosling flytur „I'm Just Ken“ á Óskarnum

Kaupmáli

Ég er líka með svona kaupmála og er bara mjög ánægður.

Sinnir ekki börnunum á nóttunni

Hútar og útskýringar

Núna bíður maður bara eftir því að einhverjir vitringar stigi fram og lýsi því yfir að þessar árásir Húta á flutningaskip séu í raun Vesturlöndum og Ísrael að kenna.

Bandaríkin hika ekki við að grípa til aðgerða

Kosningar?

En eru stjórnarflokkarnir spenntir fyrir kosningum? Allt stefnir í það að Vinstri grænir þurrkist svo til út og að Framsókn fái minna fylgi en flokkur fyrrum leiðtoga síns, Miðflokkurinn. Fylgi Sjálfstæðisflokksins er í sögulegri lægð eins og allir vita. Er þessi spá um kosningar ef til vill óskhyggja leiðatoga Miðflokksins og Viðreisnar? 

Bankasala sýni að kosningar séu í nánd

Endurtekið efni

Og núna verða mótmæli á Austurvelli. Hvað er ég að tala um? Það eru alltaf mótmæli á Austurvelli. Austurvöllur er eins og RÚV, mikið um endurtekið efni.

Getum ekki tekið við nema um 500

Frelsi til að kjósa

Þorgerður Katrín Gunnarsdóttir, formaður Viðreisnar, segir:

„Ég vil fara í kosn­ing­ar til að ræða orku­skipti, orku­mál, at­vinnu­stefnu, mik­il­vægi þess að vera með skyn­sam­lega og hóf­lega skatt­heimtu, ræða um einka­rekst­ur í heil­brigðisþjón­ustu, ræða mennta­mál." Samkvæmt greininni telur hún "út­lend­inga­mál ekki verða það flókn­asta í þessu sam­hengi." Hún sagði: „Það er val að gera það [útlendingamál] að kosn­inga­máli. Það er val að láta öfgarn­ar og yf­ir­lýs­ing­ar ráða. Ég vil láta skyn­sem­ina ráða. Ég vil að það verði raun­sæi í okk­ar nálg­un og við sýn­um mennsku og mannúð.“

Í fyrsta lagi, hvaða rök leggur hún fram fyrir þeirri skoðun að útlendingamál séu ekki "það flóknasta í þessu samhengi"? Í öðru lagi, hvers vegna eru útlendingamál ekki kosningamál eins og önnur mikilvæg mál? Hvað telur hún skynsemi og raunsæi í þessum málaflokki? Er eitthvað óeðlilegt við það að flokkar leggi fram stefnur um málið og að fólk fái að kjósi þann flokk sem því finnst hafa skynsamlegustu og raunhæfustu stefnuna?

Val að gera útlendingamál að kosningamáli

Uppgjör í aðsigi

Odd­ný G. Harðardótt­ir, þingmaður Sam­fylk­ing­ar­inn­ar, segist ekki hafa hlustað á viðtalið fræga í Einni pælingu við Kristrúnu Frostadóttur, viðtalið sem kom umræðunni sem nú er í gangi af stað. Sem sagt, Oddný hlustar beinlínis ekki á formann flokksins. Orð Oddnýjar um málið eru passív-aggressív, svo ekki sé meira sagt. Það er nokkuð ljóst að það stefnir í uppgjör í Samfylkingunni. Kristrún getur ekki leitt flokkinn með þingmenn sem grafa undan henni á þennan hátt. Samfylkingarfólk verður að ákveða sig hvort það vill halda áfram á gömlu brautinni til óvinsælda og áhrifaleysis eða fylgja Kristrúnu á leið til vinsælda og valda.

Oddný rýfur þögnina um orð Kristrúnar

Á slóð Kolkrabbans

Þarna er hann, Kolkrabbinn!

Ný tegund fundin við Ísland

Grunnspurning

Grunnspurningu er enn ósvarað. Ef þessar breytingar á kerfinu verða samþykktar, minnkar fjöldi innflytjenda og flóttafólks, eykst hann, eða stendur hann í stað? Og ef um er að ræða breytingu hvað erum við að tala um margt fólk? Ef á að nálgast þennan málaflokk "heildstætt" hlýtur þetta að vera grunnatriði.

Vill betri aðlögun og vinna gegn ójöfnuði