Kyn og kyngervi

Ef fólk trúir því að manneskjur geti breytt um líffræðilegt kyn, þá er morðinginn, Audrey Hale, karlkyns. En kynjafræðin gerir greinarmun á líffræðilegu kyni (sex) og félagslegu kyni, sem kallast á íslensku kyngervi (gender). Semsagt, kyn er notað um það sem á ensku kallast sex og kyngervi er notað um gender. Samkvæmt kynjafræðinni er morðinginn því kvenkyns, en kyngervi þessa einstaklings er karl, því viðkomandi notaði karlkyns fornöfn.

Þetta er allavega minn skilningur. Ef einhver veit betur leiðréttið mig endilega.

Myndband sýnir lögregluþjóna skjóta árásarmanninn

Hundalíf

Og til að sleppa við að þurfa að glíma við öll þessi hundleiðinlegu vandamál er einfaldast að eiga ekki hund. 

Af hverju að leyfa hundum að þefa?

Bibi og kerfið

Það er einkenni sumra leiðtoga að reyna að breyta kerfinu ef útkoman hentar þeim ekki. En þeir eru yfirleitt hæstánægðir með kerfið ef útkoman er þeim í vil. "Bara ef það hentar mér," sungu Stuðmenn. 

Næstu skref Netanyahus óljós

Sagnir

Í greininni stendur: "Hann var myrt­ur af lög­reglu á vett­vangi . . ." Morð er glæpur og þess vegna á sögnin "að myrða" ekki við í þessu tilviki. 

UPPFÆRT: Núna er búið að laga þetta. Takk fyrir það.

Skildi eftir stefnuyfirlýsingu

List og ritskoðun

Mörgum finnst þetta voða fyndið og fáránlegt, en þessi ýktu viðbrögð við nakinni styttu er bara hægri útgáfa af ritskoðunaráráttu. Það er ekki langt síðan að prógressívir púrítanar á Íslandi trompuðust yfir óperu og heimtuðu að henni yrði breytt.

Nemendum og kennurum boðið að sjá nakinn Davíð

Traust og trúverðugleiki

Ingibjörg Dögg, annar ritstjóra Heimildarinnar, segir:

„Það er þetta menn­ing­ar­stríð. Þeir sem eru and­stæðir MeT­oo, þeir sem hafa hags­muna að gæta eða hafa orðið und­ir með ein­hverj­um hætti í þess­ari umræðu, vegna þess að þeir hafa gert eitt­hvað sem hef­ur verið af­hjúpað og op­in­berað – það hlakk­ar svo­lítið í þeim núna vegna þess að hætt­an er sú að þetta verði notað til að draga úr trú­verðug­leika brotaþola. Mér finnst mik­il­vægt að það ger­ist ekki, vegna þess að við ger­um mikl­ar kröf­ur í þess­um flóknu og erfiðu mál­um. Það er eng­in ástæða til að ef­ast um það sem hef­ur komið fram. . . ."

„Það sem gerðist hérna er að maður sem á harma að hefna gagn­vart Eddu Falak og Heim­ild­inni, og hef­ur ráðið lög­mann til að beita sér gegn Heim­ild­inni, set­ur fram alls kon­ar ásak­an­ir á hend­ur Eddu Falak og kall­ar hana per­sónu­leik­araskaða. Þetta er þessi and­stæða við MeT­oo sem er að birt­ast.“

Hér er ritstjórinn að blanda saman tveimur málum. Málið snýst um trúverðugleika Eddu Falak. Hún hefur viðurkennt að hún laug um starfsferil sinn í Kaupmannahöfn. Það skiptir ekki máli hver afhjúpaði þær lygar. Hvort það er Heimildin, Fréttablaðið, eða Frosti. Sannleikurinn er óháður því hver segir hann. 

Mikilvægt að fólk geri hreint fyrir sínum dyrum

Kalda stríðið

Xi og Pútín vilja báðir draga úr áhrifum frjálslyndra lýðræðisríkja, því þau eru tilvistarleg ógn við þá stjórnarhætti sem þeim hugnast. Kalda stríðinu lauk aldrei. Það var bara gert stutt hlé. 

Segir friðaráætlun Kína geta bundið enda á stríðið

Kommúnískt siðferði

Maður ætti að vera orðinn vanur þessu en það er ennþá samt svolítið skrítin tilfinning að hlusta á siðapredikanir kínverskra kommúnista. 

Pútín og Xi ræða áætlun til að enda stríðið

Raddir í fjósi

Fyrir kúamessuna hafði presturinn áhyggjur af því að vera baulaður niður af kúnum, samkvæmt Vísi, en þetta virðist allt hafa farið vel að lokum. Kannski voru þetta heilagar kýr.

Bauluðu á prestinn

Spurning

Nú er spurning hvort lesendur Morgunblaðsins fái pravdíska fréttaskýringu um þessa heimsókn frá hinum pútínska armi Moggabloggsins.

„Glæpamaðurinn snýr alltaf aftur á vettvang“